11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ֆրանսիան, Թուրքիայից զգուշանալով, ցանկանում է ԼՂ-ում միջազգային վերահսկողություն սահմանել․ Reuters
Քաղաքականություն
20.11.2020 | 13:28
Ֆրանսիան ցանկանում է Լեռնային Ղարաբաղում հրադադարի ռեժիմի պահպանման համար միջազգային վերահսկողություն սահմանել, քանի որ Փարիզը մտահոգություն ունի, որ Ռուսաստանն ու Թուրքիան համաձայնության կգան՝ Արևմտյան տերություններին դուրս թողնելով խաղաղության շուրջ հետագա բանակցություններից։ Այս մասին գրում է Reuters-ը։
Նշվում է, որ Մոսկվան ԵԱՀԿ Մինսկի խմբի համանախագահներից է՝ Վաշինգտոնի ու Փարիզի հետ մասին, սակայն վերջինները ներգրավված չեն Ռուսաստանի, Հայաստանի ու Ադրբեջանի ղեկավարների ստորագրած համաձայնությունում։
Հրադադարից հետո Ռուսաստանը բանակցություններ է վարում Ադրբեջանի առանցքային դաշնակից Թուրքիայի հետ, որը Մինսկի խմբի քննադատն է և կարող է հանգեցնել Անկարայի կողմից տարածաշրջան զորք մտցնելուն։
«Պատերազմի ավարտը պետք է թույլ տա բարեխիղճ բանակցությունների վերսկսում, ԼՂ-ի բնակիչների պաշտպանություն և վերջին շաբաթներին իրենց տները լքած հազարավոր մարդկանց վերադարձ՝ անվտանգության լավ պայմաններով»,- հայտարարել է Ֆրանսիայի նախագահ Էմանուել Մակրոնի գրասենյակը Հայաստանի վարչապետի ու Ադրբեջանի նախագահի հետ հեռախոսազրույցներից հետո։
Բացի այդ, ըստ լրատվամիջոցի, Ֆրանսիայում 400-600 հազար ծագումով հայ է բնակվում։ Մարկրոնը զգուշավոր էր հակամարտության կողմերին սատարելու հարցում, բայց քննդատության արժանացավ՝ Երևանին բավարար չափով օգնելու համար։
«Մենք ցանկանում ենք, որ Մինսկի խումբն իր դերակատարումն ունենա հրադադարի վերահսկողության հարցում»,- լրագրողների ասել է Ֆրանսիայի նախագահի ներկայացուցիչը։
Աղբյուրը հայտնում է, որ Փարիզը պնդում է հրադադարի պահպանման «միջազգային վերահսկողության» հարցում, որը թույլ կտա փախստականների վերադարձ, կկազմակերպվի հատկապես Սիրիայից եկած զինյալների վերադարձ և կսկսվեն Լեռնային Ղարաբաղի կարգավիճակի շուրջ բանակցություններ։
Ֆրանսիայի ու Թուրքիայի հարաբերությունները վերջին ամիսներին ավելի են վատացել։ Փարիզն Անկարային մեղադրում է Կովկասում ճգնաժամը թեժացնելու մեջ։
«Մենք հասկանում ենք, որ ռուսները թուրքերի հետ խոսում են հնարավոր բանաձևի շուրջ, որը մենք չենք ուզում։ Այն կկրկնի Աստանայի պրոցեսը՝ այս զգայուն տարածաշրջանում իրենց դերերը բաժանելու»,- ասել է պաշտոնյան ու հավելել․ «Մենք չենք կարող մի կողմում ունենալ Մինսկ, մյուս կողմում՝ Աստանա։ Ռուսները պիտի ընտրություն կատարեն»։
Նշենք, որ Աստանայի ձևաչափը թույլ տվեց Ռուսաստանին ու Թուրքիային քննարկել սիրիական հակամարտության կարգավորումը՝ մի կողմ թողնելով Արևմտյան տերություններին։
Էմմա Չոբանյան
