20.05.2026 | 15:30
ԵՄ-ն համաձայնեցրել է ամերիկյան ապրանքների համար սահմանված մաքսատուրքերի վերացումը
Թուրքիան վարձկաններին առաջարկում է բնակվել Ադրբեջանում՝ շարունակելով նոր զինյալներ ուղարկել այնտեղ
Քաղաքականություն
19.11.2020 | 15:14
Սիրիական մարդու իրավունքների մշտադիտարկման կենտրոնը հայտնում է, որ թուրքական հետախուզությունը Անկարային հավատարիմ «Սուլթան Մուրադ» ու «Սուլեյման Շահ» երկու խմբավորումների ղեկավարներին առաջարկել է բնակությոն հաստատել Ադրբեջանում։ Այս մասին տեղեկանում ենք սիրիական Աֆրինի Մարդու իրավունքների կազմակերպության ֆեյսբուքյան էջի հաղորդագրությունից։
Կենտրոնի տնօրեն Ռամի Աբդ ալ-Ռահմանը հեռուսատեսային հարցազրույցում ասել է, որ Թուրքիան հայտարարել է, թե նրանք արմատներով Կովկասի այդ տարածքներից են։
Աֆրինում ու հյուսիսային Սիրիայում հավաքագրված և Թուրքիայի կողմից Ադրբեջան ուղարկվող սիրիացի վարձկանների թիվը, ըստ կազմակերպության, հասնում է 4000-ի։ Նրանք վերահսկվում են թուրքական բանակի ու թուրքամետ զինյալների կողմից։
Ամերիկացի լրագրող Լինդսի Սնելլն էլ, որն ակտիվորեն լուսաբանում է Սիրիայում տեղի ունեցող իրադարձություններն ու ղարաբաղյան պատերազմի առաջին օրերից խոսում է Ադրբեջան ուղարկվող սիրիացի վարձկանների մասին, թվիթերյան իր էջում հայտնում է, որ սիրիացի վարձկանները դեռ Ադրբեջանում են։
«Սիրիացի վարձկանները դեռ Ադրբեջանում են՝ բացի մեկ ամիս առաջ ուղարկված 700-ից։ Լսել եմ նաև խոսակցություններ ավելի մեծ թվով զինյալներ ուղարկելու մասին։ Սպասում եմ մանրամասներին։ Թվում էր՝ Թուրքիան ու Ադրբեջանը պիտի ցանկանային, որ նրանք արագ հեռանան, որ շարունակեն հերքել նրանց ներկայությունը, բայց, գուցե, այդպես չէ»,- գրել է լրագրողը։
Հիշեցնենք՝ ավելի վաղ էլ ՌԴ ԱԳՆ պաշտոնական ներկայացուցիչ Մարի Զախարովան հայտարարել էր, որ Լեռնային Ղարաբաղի հակամարտության տեղափոխված սիրիացի վարձկանները «չեն անհետացել, չեն գոլորշիացել»։
«Մենք ելնում ենք նրանից, որ այս հարցը կլուծվի, և բոլոր կողմերը, որոնք շահագրգռված այս տարածաշրջանում խաղաղությամբ, պետք է ջանքեր գործադրեն՝ այն լուծելու համար»,- ասել էր Զախարովան։
Էմմա Չոբանյան
