11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Մանդատս վայր կդնեմ, եթե տեսնեմ՝ ամեն ինչ անում ենք այնպես, ինչպես միշտ. Լուսինե Բադալյան. ՏԵՍԱՆՅՈՒԹ
Քաղաքականություն
19.11.2020 | 12:39
Այս պահին բոլորս՝ և՛ «Իմ քայլը» խմբակցությունը, և՛ ամբողջ ազգը, շոկի մեջ ենք: Ես իմ մանդատը վայր դնելու մասին «եթե»- ով էի ձևակերպել, որպեսզի կարողանամ սթափեցնել բոլորին՝ գործուն քայլերի գնալ: Այս մասին ԱԺ-ում Factor.am-ի հետ զրույցում ասաց «Իմ քայլը» խմբակցության պատգամավոր Լուսինե Բադալյանը:
«Եթե արվում են որոշակի քայլեր, ապա մնալ և անել, եթե ոչ մի գործ չի արվելու, և մենք շարունակելու ենք սգալ և փորձել այս իրավիճակից դուրս գալ, և ամեն մեկի մոտ դա տարբեր կերպ է արտահայտվում, օրինակ՝ վարչապետի մոտ ժամանակ առ ժամանակ պոռթկումներով, մեկ ուրիշի մոտ ինքնամփոփությամբ, մյուսի մոտ բղավելով, բայց մենք ժամանակ չունենք, պետք է ինչ-որ հարցեր լուծենք:
Համենայնդեպս հաջորդ իսկ առավոտից ես տեսնում եմ փորձեր ինչ-որ քայլեր ձեռնարկելու ուղղությամբ, և կարծում եմ, որ որոշ ժամանակ դեռ պետք է հասկանամ՝ ես կարող եմ այս ընթացքում ինչ-որ օգուտ տալ, թե ոչ: Եթե իմ օգտակարության գործակիցը շատ ցածր է լինելու, ապա կարծում եմ իմ տեղը պիտի զիջեմ մեկ ուրիշին, ով որ թարմ ուժերով կգա և օգուտ կտա: Իսկ եթե ես կարող եմ օգուտ տալ, ապա մեծ մեղք է գոնե մի փոքր հարց չլուծելն այս պայմաններում»,-ասաց Բադալյանը:
«Եթե ես տեսնեմ, որ մենք ամեն ինչ անում ենք ճիշտն նույն կերպ, ինչպես որ արվել է միշտ, ապա ես մանդատս վայր կդնեմ: Եղել են խնդիրներ, և ես դեմ եմ, որ մենք չարտահատվենք և չասենք, որ մենք ինչ-որ սխալներ ենք գործել: Օրինակ՝ անհամաձայնությունները չեն քննարկվում, լուծումները շատ միակողմանի են: Եթե այս ամենը պիտի շարունակվի, բնականաբար ես պոռթկում հաստատ ունենալու եմ»,- ընդգծեց պատգամավորը:
Նա նաև հավելեց, որ բնականաբար բոլորի, այդ թովւմ նաև վարչապետի հեռանալու պահն էլ գալու է. «Մենք հավերժ այստեղ չենք մնալու, բայց պետք է դրա ճիշտ պահն ընտրել, որպեսզի երկիրը դրանից չտուժի»:
Մանրամասները՝ տեսանյութում:
