18.11.2024 | 19:42
Ադրբեջանում բանտարկված ընդդիմադիր կին լրագրողները ֆիզիկական բռնության են ենթարկվել
«Չափերդ ճանաչի»․ վիճաբանություն՝ Արման Բաբաջանյանի և Գաբրիել Բալայանի միջև. ՏԵՍԱՆՅՈՒԹ
Քաղաքականություն
19.11.2020 | 12:29
Ազգային ժողովում Զինվորական ծառայության և զինծառայողի կարգավիճակի մասին օրենքում փոփոխություն կատարելու մասին հարցի քննարկման ժամանակ պաշտպանության նախարարի տեղակալ Գաբրիել Բալայանը, արձագանքելով անկախ պատգամավոր Արման Բաբաջանյանի դիտարկումներին, նշեց, որ Մարտակերտի գյուղերը եղել են Աղդամի շրջանի գյուղեր, որոնք վերջին վարչատարածքային բաժանումով Արցախի Հանրապետությունը ներառել էր Մարտակերտի շրջանում: «Պետք չէ չհիմնավորված հայտարարություններ անել»,- ասաց փոխնախարարը:
Հիշեցնենք՝ ԱԺ անկախ պատգամավոր Արման Բաբաջանյանը, անդրադառնալով Մարտակերտի 6 գյուղերի հայաթափմանը, նշել էր, որ բազմաթիվ հարցեր են կուտակվել, սակայն պատասխան տվող չկա. «Որովհետև պետություն չկա: Իշխող ֆրակցիան պետք է թափ տա իրեն, և միայն 24-ժամյա աշխատանքով կարող ենք դա անել»:
Բաբաջանյանը նաև նշել էր. «Չեն կարող կլանային, կոռուպցիոն, մաֆիոզ կապերով կաշկանդված մարդիկ զբաղվել այս կարևորագույն աշխատանքով»:
Բալայանը հորդորեց մնալ էթիկայի կանոնների շրջանակներում: «Եթե իրավաբանական այդքան գիտելիք չունեք, ես խոստանում եմ օժանդակել՝ իրավապահ մարմիններին կոնկրետ անձանց վերաբերյալ հաղորդում ներկայացրեք հանցագործության մասին:
Արման Բաբաջանյանը տեղից արձագանքեց. «Չափերդ ճանաչիր»:
Բալայանը հակադարձեց, որ իր չափը ճանաչելու հետ կապված խոսելն ավելորդ է և զսպվածության կոչ արեց:
Մանրամասները՝ տեսանյութում:
