18.04.2026 | 20:10
ԱԳ նախարարի տեղակալը հանդիպել է ԱՄԷ նախագահի դիվանագիտական հարցերով խորհրդականի հետ
Ինչպես էր արաբական մամուլը լուսաբանում պատերազմը ԼՂ-ում. ՏԵՍԱՆՅՈՒԹ
Քաղաքականություն
18.11.2020 | 13:11
Միջազգային մամուլում, հատկապես արևմտյան՝ ամերիկյան և եվրոպական մամուլում և մեդիա փորձագիտական շրջանակներում շրջանառվում էր երկու հիմնական թեզ՝ այն, որ այս ռազմական գործողությունների ետևում կանգնած է Թուրքիան, որը մշակել և նախաձեռնել է ռազմական գորողությունները և պատասխանատու է ամեն ինչ համար, ինչը տեղի է ունեցել ռազմական գործողությունների համատեքստում և ռազմաքաղաքական գործողությունների տրամաբանությունում՝ Հարավկովկասյան ուղղությամբ: Եվ երկրորդ թեզը Թուրքիայի կողմից ահաբեկչական խմբերի տեղափոխումն էր Ադրբեջան՝ ռազմական գործողություններին մասնակցելու նպատակով: «Միջազգային մամուլը՝ ԼՂ շուրջ ստեղծված նոր իրավիճակի մասին» թեմայով քննարկման ժամանակ այս մասին ասաց «Օրբելի» կենտրոնի փորձագետ Կարեն Վերանյանը:
«Հիմնական մի քանի ճակատ կար, որոնք ակտիվ լուսաբանում էին ռազմական գործողությունները և հետպատերազմյան փուլը՝ ամերիկյան, եվրոպական, արաբական, ռուսաստանյան ճակատները, նաև Հունաստանն ու Կիպրոսն էին շատ ակտիվ:
Արաբական աշխարհում ընդհանուր առմամբ ռազմական գործողությունների հարցին անդրադառնալիս մեդիայի և փորձագիտական արձագանքները թիրախավորում են հիմնականում Թուրքիային: Սա տրամաբանական է այն առումով, որ Թուրքիան խնդիր է նաև արաբական աշխարհի համերաշխության համար»,- ասաց Վերանյանը:
Մանրամասները՝ տեսանյութում:
