27.08.2026 | 17:40
66:64. Վոլեյբոլի Իտալիայի և Գերմանիայի հավաքականները մեկ սեթի տևողության ռեկորդ են սահմանել
«Նոր պատերազմ՝ նոր տարածքների դիմաց» թեզից շատ լավ օգտվեց թշնամին. Անդրանիկ Քոչարյան. ՏԵՍԱՆՅՈՒԹ
Քաղաքականություն
17.11.2020 | 17:47
«Նոր պատերազմ՝ նոր տարածքների դիմաց» ՊՆ-ի թեզից շատ լավ օգտվեց միայն թշնամին։ Այս մասին Ազգային ժողովում այսօր՝ նոյեմբերի 17-ին, հայտարարեց «Իմ քայլը» խմբակցության պատգամավոր, ԱԺ պաշտպանության և անվտանգության հարցերով մշտական հանձնաժողովի նախագահ Անդրանիկ Քոչարյանը։
Նա մատնանշեց մի շարք թերացումների ու խնդիրների մասին, այդ թվում նրա մասին, թե ինչու՞ է գնվել, բայց պատերազմի ընթացքում չի օգտագործվել ՍՈՒ-30 ինքնաթիռները։
«Կատարվածից հետո առնվազն սպասելի էր, որ պաշտպանության նախարարը և զինված ուժերի այն պատասխանատուները, որոնք աններելի բացթողումներ են ունեցել, պետք է արդեն հրաժարական տված լինեին»,- նշեց Անդրանիկ Քոչարյանը։-Նրանց կողմից անմիջապես հրաժարական չտալը խոսում է այն մասին, որ նրանք բացարձակ չեն գիտակցում, թե ինչ են արել և ուր է տանելու մեզ այս ձախողումը։ Այս անձանց անպատիժ մնալու դեպքում բանակում ոչ միայն շարունակվելու են նման երևույթները, այլև լրջագույն սպառնալիք են դառնալու ՀՀ անվտանգության համար»։
Անդրադառնալով նախօրեի ՊՆ տարածած հայտարարությանը՝ Անդրանիկ Քոչարյանը նշեց. «Նախարարությունը հատկապես այս օրերին պետք է հանդես գար մեր հաղթանակի, վատագույն դեպքում՝ մեր պարտության վերաբերյալ հստակ, խելամիտ հիմնավորումներով և ոչ ստահոդ ու պոպուլիստական գրառումներով»:
Մանրամասները՝ տեսանյութում:
