14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Իշխանությունը պետք է պատասխան տա այս խայտառակ պարտության համար․ Արման Բաբաջանյան. ՏԵՍԱՆՅՈՒԹ
Քաղաքականություն
17.11.2020 | 17:16
Պատերազմից հետո իշխանությունն այլևս չունի նախկին լեգիտիմությունը, և երկրին ակնհայտորեն պետք են արտահերթ ընտրություններ: ԱԺ ամբիոնից այս մասին հայտարարեց ԱԺ անկախ պատգամավոր Արման Բաբաջանյանը՝ հավելելով, որ մինչ այդ պետք է բաց քննարկումներ անցկացնել:
«Հայաստանում հասունանում է քաղաքական ճգնաժամ, որը պետք է հաղթահարվի բացառապես քաղաքական ճանապարհով: Ստեղծված իրավիճակում վարչապետի հրաժարական պահանջելը միանգամայն նորմալ ու բնական է: Բայց ինձ համար չափազանց կարևոր է, որ ամեն ինչ որոշվի հասարակության ձայնով»,- ասաց Բաբաջանյանը:
Պատգամավորի դիտարկմամբ՝ նախագահ Արմեն Սարգսյանի՝ ազգային համաձայնության կառավարություն ստեղծելու վերաբերյալ նախօրեին արված առաջարկը հասարակությանը և ՀՀ քաղաքական ուժերին պարզված ձեռք է, և այն չպետք է մնա օդում:
Պատգամավորի խոսքով՝ ստեղծված իրավիճակի պատասխանատուն իշխանությունն է. «Իշխանությունը պետք է պատասխան տա այս խայտառակ պարտության համար»:
Մանրամասները՝ տեսանյութում:
