28.04.2026 | 23:24
Երևանում երթևեկության փոփոխություն կկատարվի
Պակիստանը բոյկոտում է ֆրանսիական ապրանքները, նաև կարտաքսի Ֆրանսիայի դեսպանին․ Reuters
Քաղաքականություն
17.11.2020 | 17:05
Պակիստանի մայրաքաղաք Իսլամաբադում երկուշաբթի բախումներ են գրանցվել ոստիկանության ու հազարավոր իսլամիստների միջև։ Իսլամիստները բողոքել են վերջերս Ֆրանսիայում Մուհամմադ մարգարեի ծաղրանկարների ցուցադրման դեմ: Այսօր արդեն ցույցերը դադարեցվել են։
«Մենք չեղարկում ենք մեր բողոքի ցույցերը, քանի որ կառավարությունը ստորագրեց համաձայնագիր, որով պաշտոնապես հաստատել է ֆրանսիական արտադրանքի բոյկոտը»,- Reuters-ին հայտնել է Tehrik-i-Labaik խմբավորման խոսնակ Էջազ Աշրաֆին:
Տեղեկացվում է, որ փաստաթուղթը ստորագրել են երկու նախարարներ և իսլամիստների խմբավորման ղեկավարը:
Ստորագրված համաձայնագրով նաև նախատեսում է, որ Պակիստանի խորհրդարանը երեք ամսվա ընթացքում պետք է որոշում կայացնի ու արտաքսի Պակիստանում Ֆրանսիայի դեսպանին։
Տաթև Ֆռանգյան
