11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Կառավարության շենքը ջարդուփշուր անողներից էր նաև ԲՀԿ պատգամավորը․Նազարյանի ելույթը աղմուկ բարձրացրեց. ՏԵՍԱՆՅՈՒԹ
Քաղաքականություն
17.11.2020 | 11:53
Ոչ մեկ չի ժխտում, որ կառավարող ուժն է կրում տեղի ունեցածի պատասխանատվությունը, դրանից հնարավոր չէ խուսափել, ես ընդունում եմ դա ու հետևություններ էլ կլինեն։ Այս մասին այսօր ԱԺ նիստում նշեց ԱԺ փոխնախագահ Լենա Նազարյանը։
«Բայց ուզում եմ շեշտել նաև, որ հենց այդ պատասխանատվությունն է նաև վարչապետին մղել ստորագրել այդ եռակողմ հայտարարությունը, որովհետև 25-ից 30 000 զինվորականների կյանք է փրկվել, նրանք ու նրանց հարազատները գիտեն սրա մասին, այդ հայտարարությամբ է փրկվել նաև Ստեփանակերտը։ Չեմ ընդունում, որ տեղի ունեցածը դիտարկվում է իբրև երկուսուկես տարվա կառավարման հետևանք և պարզունակացվում է Լեռնային Ղարաբաղի հակամարտության հարցը։ Սա ոչ միայն երկուսուսկես տարվա, նույնիսկ 25 տարվա քաղաքականության հետևանք չի կարող լինել միայն, այլև տարածաշրջանային և աշխարհաքաղաքական տեղաշարժերի հետևանք է, որը պետք է հաշվի առնենք»,- ասաց Նազարյանը։
Նրա խոսքով՝ նոյեմբերի 9-ի երեկոյան, երբ հայտնի հայտարարության հրապարակվելուց հետո որոշ քաղաքացիներ մտել էին Կառավարության շենք ու ջարդուփշուր արել ամեն ինչը։ Ըստ Նազարյանի՝ անվտանգության աշխատակիցների հավաստմամբ՝ նրանց շարքերում է եղել նաև «Բարգավաճ Հայաստան» խմբակցության պատգամավոր Դավիթ Մանուկյանը։
«Կառավարությունում ջարդուփշուր անելու պարագայում պահանջել հրաժարական՝ հնարավոր չէ»,- ընդգծեց Լենա Նազարյանը։
Նազարյանի ելույթը աղմուկ բարձրացրեց ԱԺ-ում:
Մանրամասները՝ տեսանյութում:
