30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Դուք ջոկո՞ւմ եք, որ մեջք եք կոտրել. տապալել եք, վարչապետը պիտի հեռանա. Արման Աբովյան. ՏԵՍԱՆՅՈՒԹ
Քաղաքականություն
17.11.2020 | 11:15
Այս ծանր օրերին ոմանք փորձում են ժողովրդի ցասումը ներկայացնել որպես աթոռակռիվ, նման բան չկա։ Այս մասին այսօր ԱԺ լիագումար նիստի ժամանակ հայտարարեց «Բարգավաճ Հայաստան» խմբակցության քարտուղար Արման Աբովյանը։
«Չկա նման բան ու չի կարող լինել։ Մի գաղտնիք բացահայտեմ՝ իշխանությունը դա ոչ միայն «պադավատներ» է, քարտուղարուհիներ է, պարգևավճարներ է, սիրուն-սիրուն կոստյումներ է, քաղցր խոսել է, այլ առաջին հերթին պատասխանատվություն է։ Ոչ մեկին հետաքրքիր չի, ար արդեն որերրորդ օրն է վարչապետն ու իշխանությունը բացատրում են՝ ինչի համար եղավ էս ամեն ինչը։ Ստանձնե՞լ եք պատասխանատվություն՝ ստանձնել եք, պատասխանատավությունը նաև ենթադրում է հետևանքներ, և եթե խուսափում եք հետևանքներից, ուրեմն ո՞վ է աթոռակիռվ անում»,- նշեց պատգամավորը։
Պատասխանատվություն եք ստանձնել, բայց խուսափում եք հետևանքներից: Այո, պետք է պատասխան տան այն մարդիկ, որոնք 2.5 տարվա ընթացքում իրավիճակը բերում էին այսօրվա` մեջք կոտրած դրությանը: Պետք է պատասխանատվություն կրեք, վարչապետը պետք է հեռանա»,- ասաց Աբովյանը:
Մանրամասները՝ տեսանյութում:
