19.01.2026 | 22:04
Վթար Վանաձոր քաղաքում․ կան տուժածներ
Դանիելյա՛ն, ինչպե՞ս է Ձեր աղջիկ Շուշին․ մի օր կգնանք այն Շուշին, որը Ձեր հրամանատարը հանձնեց․ Նաիրա Զոհրաբյան. ՏԵՍԱՆՅՈՒԹ
Քաղաքականություն
17.11.2020 | 10:33
Պարոն Դանիելյան, ինչպե՞ս է Ձեր աղջիկ Շուշին: Հուսամ` լավ է: Մենք, Ձեր աղջկա ձեռքը բռնած, մի օր անպայման գնալու ենք Շուշի, այն Շուշին, որը հանձնեց ձեր գերագույն գլխավոր հրամանատարը, ԱԺ նիստի ժամանակ, դիմելով իմքայլական պատգամավոր Համազասպ Դանիելյանին, ասաց «Բարգավաճ Հայաստան» խմբակցության պատգամավոր Նաիրա Զոհրաբյանը:
«Այս դահլիճում այսօր կարող է և պետք է քննարկվի միայն մեկ հարց`ռազմական դրության չեղարկում, Նիկոլ Փաշինյանի հրաժարական: Այլ հարց քննարկելու բարոյական իրավունք չունենք: Հիմա մենք պատմական առաքելություն ունենք` բռնել Նիկոլ Փաշինյանի ձեռքը, քանի դեռ չի հասցրել նոր ավերածություններ անել:
Պետք է փորձենք փրկել այն, ինչ հնարավոր է փրկել Արցախից, ինչպես նաև` Մեղրին և Հայաստանի` վտանգի տակ գտնվող մյուս բնակավայրերը:
Նիկոլ Փաշինյանը` թուրքի առաջ ծնկած ղեկավարը, չի կարող մնալ… Մեր երկրում քաղաքացիական պատերազմ չի լինելու: Մենք այլընտրանք չունենք, այս ամբիոնում քննարկվելու է միայն Նիկոլ Փաշինյանի հրաժարականի հարցը», – ասաց Զոհրաբյանը:
Մանրամասները՝ տեսանյութում:
