28.08.2026 | 10:33
Եվրոպա լիգա. «Արարատ-Արմենիան» վիճակահանության 4-րդ զամբյուղում է
Ստեփանակերտում առևտուր անողները շատանում են, խանութների դարակները կիսադատարկ են. ՏԵՍԱՆՅՈՒԹ
Քաղաքականություն
16.11.2020 | 21:21
Ստեփանակերտում դեռ շատ լույսեր չեն վառվում, խանութների մեծ մասի, նույնիսկ կոտրված ապակիներով դռներին փակցրած է՝ «Փակ է»։
Փակ խանութների շարանի մեջ՝ վերջապես բաց դուռ։ Վերածննդի հրապարակից ոչ հեռու գտնվող խանութներից մեկն անգամ հրթիռակոծվող քաղաքում դռները բացել է՝ թեկուզ մի քանի ժամով։
Սեփականատեր Վիտալի Ղուլյանին հարցնում եմ՝ պատերազմի օրերին խանութը բաց պահելը վտանգավոր չէ՞ր, ասում է՝ «բա մարդկանց առանց մթերք թողնեի՞նք»։
Վիտալի պապը թոռան հետ է մնացել Ստեփանակերտում, ընտանիքը Երևանում է, օր առաջ հետ բերել է ուզում։ Ասում է՝ Ստեփանակերտում արդեն միայն տղամարդիկ չեն, կին ու երեխա գնորդներ էլ կան՝ քիչ-քիչ քաղաքը սկսում է շնչել։
Խանութից դուրս գալ առանց քաղցրավենիքի Վիտալի պապը թույլ չտվեց։ Ասաց՝ «Կնեղանամ, Ստեփանակերտը քաղցրացնող քաղաք է»։
Մանրամասները՝ տեսանյութում։
Իրինա Մկրտչյան
