03.11.2026 | 12:03
Ռուբինյանը Մեքսիկայի դեսպանի հետ քննարկել է երկկողմ համագործակցության ընդլայնման հարցեր
Պատերազմից հետո էլ Ստեփանակերտում հաց գտնելը հեշտ չէ. ՏԵՍԱՆՅՈՒԹ
Քաղաքականություն
16.11.2020 | 20:19
Պատերազմի 44 օրերին ու նաև պատերազմից հետո Ստեփանակերտում հաց գտնելը հեշտ չէ։ Մեր նկարահանող խումբը հաց գտնելու հույսով քաղաքի մի ծայրից մյուսը մի քանի պտույտ արեց։ Քիչ քանակությամբ բաց խանութներում հաց չկար, փռերն էլ չէին աշխատում՝ բացի մեկից։ Այդ փուռը գտանք նաև մենք։
Փռում արդեն 40 օրից ավելի է՝ միայն տղամարդիկ են։ Արմեն Սաղյանն ասում է՝ միայն բատոն են թխում, մատնաքաշի դեպքում խմոր բացել է պետք, իսկ դա արդեն կանացի գործ է։ Գալիս են նաև փռում երբևէ չաշխատած մարդիկ՝ օգնող ձեռքեր են պետք։
Աշխատակիցներից Տիգրան Բաբայանը փռում առաջ էլ է աշխատել, իսկ պատերազմի օրերին մշտական գործին նորն էր ավելացել՝ դիրքեր տղերքին հաց հասցնելը։
Տիգրանն ասում է՝ կանայք վերադառնան, մյուս փռերն էլ կվերաբացվեն։ Իսկ մինչ այդ՝ պետք է աշխատել, որ ստեփանակերտցին ու, առհասարակ, արցախցին հացի խնդիր չունենա։
Մանրամասները՝ տեսանյութում։
Իրինա Մկրտչյան
