18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ես չեմ կարծում, որ կա ուժ, որի հետ հնարավոր չլինի երկխոսություն․Փաշինյան. ՏԵՍԱՆՅՈՒԹ
Քաղաքականություն
16.11.2020 | 15:23
Ես չեմ կարծում, որ կա ուժ, որի հետ հնարավոր չլինի երկխոսություն: Այս մասին այսօր՝ նոյեմբերի 16-ին, Ազգային ժողովում պատգամավորների հարցերին պատասխանելիս ասաց վարչապետ Նիկոլ Փաշինյանը։
Անդրադառնալով բանակցաին փաթեթներին՝ վարչապետը նշեց. «Բանակցային փաթեթներ եղել են, բանակցային փաթեթ ի՞նչ է․ թուղթ, որի վրա կարող ես գրել քո լավագույն ցանկությունները նույնիսկ։ Բայց այդ բանակցային փաթեթներից որևէ մեկն իրագործվե՞լ է։ Մենք խոսում ենք իրականության մասին, թե՝ տեսական քննարկումների մասին։ Ոչ մեկը չի իրագործվել։ Ես էլի ասացի, մեր մեծագույն խնդիրն այդ տեսական քննարկումների դաշտն անվերջ երակարաձգելու, մեր հնարավորությունները 2016 թվականի ապրիլյան պատերազմով սպառվել են, հարգելի գործընկերներ։ Եկեք դա արձանագրենք։ Մենք 2016 թվականի ապրիլից հետո ունեիքն երկու գործողություն՝ կամ հրաժարվել մեր իրավունքներին, կամ փորձել պաշտպանել մեր իրավունքները»:
Վարչապետը նաև նշեց, որ թուղթ են ցույց տալիս ու ասում՝ այս թղթում Շուշիի մասին բան չկա։ «Բան չկա, դրա համար այդ թուղթը չի իրագործվել, կյանքի՞ է կոչվել այդ թուղթը։ Այնքան թղթեր կան, Կազանի թուղթն էլ կա, կյանքի՞ է կոչվել այդ թուղթը։ Դրանից առաջ մի հատ ուրիշ թուղթ էլ կար, կյանքի՞ է կոչվել։ Որևէ թուղթ կյանքի կոչվե՞լ է։ Իսկ ինչու՞, ինչու՞ կյանքի չի կոչվել, որևէ մեկը կարո՞ց է բացատրել։ Չեն ուզե՞լ կյանքի կոչել։ Այդ լավ փաստաթղթերը, որ եղել են, չեն ուզե՞լ ստորագրել, ինչ-որ դավադրությու՞ն է եղել։ Ոչ։ Երբ ինձ հարցնում են պարամետրերի մասին, թե որ պայամններում է ինչ հնարավոր, ես պատասխանում եմ․ չեմ ասում, որ թուղթ կար, որի մեջ սա կամ նա էր գրած։ Ես ասում եմ․ այս արդյունքը հնարավոր էր ապահովել միայն այս պայմաններում»,- նշեց Փաշինյանը՝ ընդծելով՝ խնդիրը այն է, որ ինչ-որ տեղ տպած թղթերին ավելի շատ են հավատացել, քան իրողություններին։
Մանրամասները՝ տեսանյութում:
