07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Արտահերթ ընտրություններն օդում կախված են, բայց դրան պետք է գնանք կայունության մթնոլորտում. Աղազարյան. ՏԵՍԱՆՅՈՒԹ
Քաղաքականություն
16.11.2020 | 13:02
«Հաշվի առնելով մեր հայրենիքում ստեղծված իրավիճակը և հաշվի առնելով խորհրդարանական և արտախորհրդարանական ընդդիմախոսների քաղաքական պահանջները՝ «Իմ քայլը» խմբակցությունը հանդես եկավ հայտարարությամբ, որում նշեց, որ «Իմ քայլը» կիսում է պատասխանատվությունը վարչապետի հետ, և միաժամանակ պատրաստակամություն հայտնեց ստեղծված իրավիճակից ելքերի փնտրտուքի համար շփվել քաղաքական ուժերի հետ»,- այս մասին ԱԺ-ում լրագրողների հետ զրույցում ասաց «Իմ քայլը» խմբակցության պատգամավոր Հովիկ Աղազարյանը:
Նրա խոսքով՝ արտահերթ ընտրություններն այսօր օդում կախված հրամայական են. «Բայց դրան պետք է գնանք միայն ու միայն այն դեպքում, երբ մեր հայրենիքում ստեղծվի կայուն հասարակական-քաղաքական մթնոլորտ»:
Պատգամավորը նշեց, որ հեղափոխության կարևորագույն ձեռքբերումներից մեկն այն է, որ հիմք է դրվել մաքուր, արդար, թափանցիկ ընտրությունների ճանապարհով իշխանության ձևավորման ինստիտուտի. «Հիմա մենք պետք է այդ ինստիտուտը պահպանենք»:
Մանրամասները՝ տեսանյութում:
