15.12.2025 | 13:40
Այո՛, ժողովրդավարությունը պետք է փող ունենա. Գևորգ Պապոյանը` ԵՄ-ի աջակցության մասին. ՏԵՍԱՆՅՈՒԹ
Ընդդիմությունը պետք է ասի` զենքի կիրառումը բացառո՞ւմ է, թե՞ ոչ․ Փաշինյան. ՏԵՍԱՆՅՈՒԹ
Քաղաքականություն
16.11.2020 | 11:39
ՀՀ վարչապետ Նիկոլ Փաշինյանն ընդդիմությունից ակնկալում է քաղաքական հարցերում բռնության և զենքի կիրառումը բացառող հայտարարություն: Այս մասին Փաշինյանը խոսեց նոյեմբերի 16-ին կայացած մամուլի ասուլիսի ընթացքում` անդրադառնալով Հայաստանում առկա ատելության խոսքի վերաբերյալ հարցին:
«Ազգային ժողովի նախագահի հետ այն, ինչ տեղի ունեցավ, փառք Աստծո Հայաստանում վերջին 2,5 տարվա ընթացքում ոչ մի ընդդիմադիրի հետ նույնիսկ դրան մոտ բան տեղի չի ունեցել և ոչ էլ տեղի կունենա: Եթե մոնիտորինգ անենք սոցիալական ցանցերում, դեռ հարց է, թե ով է ավելի շատ թիրախավորվել վերջին 2,5 տարվա ընթացքում: Այն, որ երկրում մթնոլորտը պետք է լացավնել, ատելության մթնոլորտը բացառել, դա փաստ է, որի հետ ոչ ոք չի վիճում: Բայց դրա համար պետք են կոնկրետ գործողություններ ոչ միայն իշխանության կողմից: Ես հայտարարում եմ, որ այն, ինչ այս գիշեր փորձեցին վերագրել մեզ, բացառված է, որ մեր գործողություններում լինի այսպիսի գործիքակազմ: Թող ընդդիմությունն ինքն էլ հայտարարի` բռնությունն ու զենքի կիրառումը բացառո՞ւմ է, թե ոչ: Եթե բացառում է, ապա մենք ունենք անհրաժեշտ նախապայմանները նաև երկխոսելու, քննարկելու ու համատեղ ուժերով իրադրությունը հաղթահարելու համար»,- ասաց Փաշինյանը:
Վարչապետը նշեց, որ նոյեմբերի 10-ի գիշերը կառավարության, Ազգային ժողովի, վարչապետի պաշտոնական կեցավայրի դեմ տեղի ունեցած հարձակումները, բռնություններն ու գույքի ոչնչացումը քաղաքական ուժերի մեծամասնությունը չի դատապարտել:
«Միթե այն պատճառով, որ իրենք են կազմակերպել դա: Ինչպես կարող են իրենք իշխանությանը մեղադրել ատելության խոսք քարոզելու մեջ»,- նշեց վարչապետը:
