02.11.2026 | 22:55
«Ադրբեջանում խոսքի ազատությունն ու անկախ քաղաքական գործունեությունը ճնշվում են». ԵԽԽՎ և ԵԱՀԿ ԽՎ ներկայացուցիչներ
Ամոթ նրան, ով կասի մեր զինվորը, մեր գեներալը չի կռվել․ Տարոն Տոնոյան. ՏԵՍԱՆՅՈՒԹ
Քաղաքականություն
13.11.2020 | 18:23
Պարտվել են իշխանությունները, ժողովուրդը չի պարտվել: Մեր զինվորը չի պարտվել: Այս մասին այսօր՝ նոյեմբերի 13-ին, Ազատության հրապարակում հանրահավաքի ժամանակ ասաց բժիշկ, ազատամարտիկ Տարոն Տոնոյանը:
«Ամոթ նրան, ով կասի մեր զինվորը, մեր գեներալը չի կռվել… Մեր բանակը կռվող բանակ է»,- ասաց Տարոն Տոնոյանը՝ հավելելով, որ սրանով պատերազմը չի վերջանալու:
Փոխանակ հակաօդային պաշտպանություն ձեռք բերեին, PR էին հավաքում զինվորների մայրերի մոտ, թե տեսեք 4 տեսակ աղցան, սուրճ և պաղպաղակ են ուտում զինվոները: Շոումեններ են սրանք: Նիկոլի գնալը ժամանակի խնդիր է, թող համարի, որ իր կյանքի ամենամեծ բարձունքը ոչ թե այն փշալարն էր, որ անցավ… Ես ակնկալում էի, որ պատերազմի ժամանակ իր ֆեյսբուքյան էջի լուսանկարը պիտի փոխի ու Բետադինով թրջած իր ձեռքի ու քայլող բոթսաների փոխարեն զինվորի նկար դնի, ով կռվեց մինչև վերջ հայրենիքի համար: Բայց փշալարերի վրայով անցնելն իր կյանքի ամենամեծ հերոսությունն ու գագաթնակետն էր», – նշեց բժիշկ, ազատամարտիկը:
Մանրամասները՝ տեսանյութում:
