01.07.2026 | 10:29
Ուկրաինական ԱԹՍ-ները գրոհել են Պենզան․ հարձակման է ենթարկվել պաշտպանական գործարան
Հինգ բժիշկ ՀՀ նախագահի հրամանագրով պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով
11.11.2020 | 18:36
ՀՀ նախագահի աշխատակազմից տեղեկացնում են, որ ՀՀ նախագահ Արմեն Սարգսյանի հրամանագրով հինգ բժիշկ պարգևատրվել է «Հայրենիքին մատուցած ծառայությունների համար» 1-ին աստիճանի շքանշանով:
«ՀԱՅՐԵՆԻՔԻՆ ՄԱՏՈՒՑԱԾ ԾԱՌԱՅՈՒԹՅՈՒՆՆԵՐԻ ՀԱՄԱՐ» 1-ԻՆ ԱՍՏԻՃԱՆԻ ՇՔԱՆՇԱՆՈՎ ՊԱՐԳԵՎԱՏՐԵԼՈՒ ՄԱՍԻՆ
Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.
Հայրենիքին մատուցած նշանակալի ծառայությունների, մարտական գործողությունների ընթացքում մասնագիտական պարտքը կատարելիս ցուցաբերած արիության և անձնվիրության համար Հայաստանի Հանրապետության պաշտպանության նախարարության ներքոհիշյալ զինծառայողներին պարգևատրել «Հայրենիքին մատուցած ծառայությունների համար» 1-ին աստիճանի շքանշանով՝
Դանիել Մարատի ՄԿՐՏՉՅԱՆԻՆ թիվ N զորամասի զինված ուժերի գլխավոր վիրաբույժ, բժշկական ծառայության գնդապետ
Հայկ Գալուստի ՀԱՐՈՒԹՅՈՒՆՅԱՆԻՆ թիվ N զորամասի հրամանատար, բժշկական ծառայության փոխգնդապետ
Հովհաննես Յուրիի ԳՐԻԳՈՐՅԱՆԻՆ թիվ N զորամասի հրամանատար, բժշկական ծառայության փոխգնդապետ
Լևոն Արթուրի ՋԻՎԱՆՇԻՐՅԱՆԻՆ թիվ N զորամասի հրամանատար, բժշկական ծառայության փոխգնդապետ
Երվանդ Սասունի ՀՈՎՀԱՆՆԻՍՅԱՆԻՆ թիվ N զորամասի հրամանատար, բժշկական ծառայության փոխգնդապետ:
ՀԱՅԱՍՏԱՆԻ
ՀԱՆՐԱՊԵՏՈՒԹՅԱՆ ՆԱԽԱԳԱՀ
