17.09.2026 | 20:13
Փաշինյանն ընդունել է Բրազիլի դեսպանին
Ռուս խաղաղապահների տեղափոխող 9 ինքնաթիռ մեկնել է Լեռնային Ղարաբաղ. ՏԱՍՍ
Քաղաքականություն
10.11.2020 | 11:10
Ռուս խաղաղապահների տեղափոխող առաջին չորս Իլ-76 ինքնաթիռները Ուլյանովսկից մեկնել են Լեռնային Ղարաբաղ։ Այս մասին հաղորդում է ՏԱՍՍ գործակալությունը՝ հղում անելով ՌԴ պաշտպանության նախարարությանը։
«Ուլյանովսկ-Վոստոչնիյ» օդանավակայանից օդ են բարձրացել Լեռնային Ղարաբաղի հակամարտության գոտում առաքելության տարածք ռուս խաղաղապահներ տեղափոխող առաջին չորս «Իլ -76» ինքնաթիռները: Օդանավերում են խաղաղապահ ստորաբաժանման անձնակազմը, փոխադրամիջոցներ, զրահամեքենաներ և նյութական միջոցներ», – ասվում է հաղորդագրության մեջ:
Ավելի ուշ հայտնի է դարձել ևս 5 ինքնաթիռի թռիչքի մասին։
ՌԴ ՊՆ-ից հիշեցրել են, որ ընդհանուր առմամբ 1960 զինծառայող, 90 զրահափոխադրիչ, 380 միավոր ավտոմեքենա և հատուկ տեխնիկայով խաղաղապահ զորակազմ կտեղակայվի ղարաբաղյան հակամարտության գոտում: Ռուս խաղաղապահների ստորաբաժանումների տեղափոխումը առաքելության կատարման տարածք իրականացվում է Իլ -76 ռազմական տրանսպորտային ինքնաթիռներով։
Տաթև Ֆռանգյան
