20.05.2026 | 19:20
Կարեն Խաչանովը դուրս մնաց Համբուրգի մրցաշարից
ՌԴ-ին պետք է դիմենք Արցախ տեղափոխված ահաբեկիչներին ոչնչացնելու համար. Էդմոն Մարուքյան
Քաղաքականություն
05.11.2020 | 17:30
Որևէ տեղեկություն չունենք: Եթե հրավիրվեր Ազգային անվտանգության խորհրդի նիստ, միգուցե տեղեկություն ունենայինք, բայց հիմա ո՛չ հրապարակային, ո՛չ էլ գաղտնի տեղեկություններ չունենք: Գիտենք նամակի մասին: Այս մասին Factor.am-ի հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը՝ անդրադառնալով ՀՀ վարչապետի կողմից ՌԴ նախագահին հղված նամակից հետո տարվող աշխատանքների և խորհրդակցությունների ընթացքի վերաբերյալ հարցին:
«Կարծում եմ, որ մենք կարող ենք և պետք է դիմենք նաև 2017թ. վավերացված համատեղ զորախմբի համաձայնագրի համատեքստում: Այդ համաձայնագրում էլ կան ընդհանուր պարտավորություններ: Նաև կարող ենք դիմել հակաահաբեկչական գործառույթներ իրականացնելու պահանջով ու խնդրանքով, որովհետև այդ նույն ահաբեկիչներին Ռուսաստանը, որպես լեգիտիմ Թիրախ, հարվածում է Սիրիայում, և ասվում է, որ այդ ահաբեկիչների ճամբարներն են, որ ահաբեկիչներ են պատրաստում Արցախ տեղափոխելու համար: Հետևաբար այդ նույն ահաբեկիչներին, ովքեր սիրիայից տեղափոխվել են Արցախ, կարելի է հարվածել նաև Արցախում: Այդ ուղղությամբ իշխանությունը պետք է դիվանագիտական աշխատանք տանի և հասնի նրան, որ Ռուսաստանի կողմից այդպիսի աջակցություն ստանանք»:
Մանրամասն՝ տեսանյութում:
