Քաղաքականություն
05.11.2020 | 13:58Հայերը շատ դժվարին ժամանակաշրջան են ապրում, Թվիթերի իր էջում գրել է եվրախորհրդարանական Ռոբ Ռոսը՝ կոչ անելով ԵՄ-ին դատապարտել ընդդեմ Հայաստանի Ադրբեջանի ու Թուրքիայի ագրեսիան։
«Կոչ եմ անում Եվրամիությանը՝ ամենավճռական կերպով դատապարտել Ադրբեջանի ու Թուրքիայի ագրեսիան ընդդեմ Հայաստանի»,- գրել է նա՝ հայ ժողովրդին նաև տեսաուղերձ հղելով։
«Սիրելի՛ հայեր, դուք ապրում եք մի երկրում, որն ունի բացառիկ մշակութային նշանակություն։ Այժմ դուք ծանր ժամանակներ եք ապրում, անմեղ մարդիկ ենթարկվում են բարբարոսական հարձակումների։
Ցանկանում եմ, որպեսզի դուք իմանաք, որ ես լիակատար համերաշխ եմ ձեզ հետ։ Կոչ եմ անում ԵՄ-ին՝ ամենավճռական կերպով դատապարտել Ադրբեջանի ու Թուրքիայի ագրեսիան։ Այս երկու վարչակազմերը սպառնալիք են հանդիսանում Հայաստանի խաղաղությանն ու անվտանգությանը։ Իմ կողմից հնարավոր ամեն բան կանեմ՝ Եվրախորհրդարանում հայ ժողովրդի շահերը ներկայացնելու համար։ Ես հնարավորություն եմ ունեցել անձամբ ծանոթանալու հայերի հարուստ մշակույթին ու հյուրընկալությանը։ Աշխարհը շատ ավելի լավը կդառնար, եթե էլ ավելի շատ մարդիկ հետևեին հայկական արժեքներին»,- մասնավորապես ասվում է ԵԽ պատգամավորի տեսաուղերձում։
Մանրամասները՝ տեսանյութում։
Տաթև Ֆռանգյան
