03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Սա հայ հասարակության արձագանքն է ՄԱԿ-ի լռությանը. ցուցարար. ՏԵՍԱՆՅՈՒԹ
Քաղաքականություն
03.11.2020 | 11:59
Հայաստանում գտնվող միջազգային կառույցների հայտարարություններն այլևս մեզ չեն հուզում, նրանք պետք է գործեն, այլապես անելիք չունեն այս երկրում: Այս մասին լրագրողների հետ զրույցում ասաց Երևանի ՄԱԿ-ի գրասենյակի մոտ բողոքի ակցիա իրականացնող քաղաքացիներից մեկը՝ ընդգծելով, որ այս բողոքը հայ հասարակության արձագանքն է ՄԱԿ-ի լռությանը:
Երևանում ՄԱԿ-ի գրասենյակի մոտ քաղաքացիները բողոքի ակցիա իրականացնելով՝ այս անգամ կազմակերպել են «սգո արարողություն»: Ցուցարարները խորհրդանշական թաղում են կազմակերպել, ծաղկեպսակ ու դագաղ են դրել գրասենյակի շենքի մոտ: Ծաղկեպսակի վրա գրված է. «Հայ հասարակությունից՝ ՄԱԿ-ի հիշատակին»: Ակցիայի մասնակիցները խունկ են ծխել, հնչել է սգո երաժշտություն: Ծաղկեպսակի և դագաղի վրա ՄԱԿ Գլխավոր ասամբլեայի 75-րդ նստաշրջանի նախագահ, Թուրքիայի ներկայացուցիչ Վոլքան Բոզքիրի լուսանկարն է:
Այս ակցիայով քաղաքացիներն իրենց բողոքն են հայտնել, որ սեպտեմբերի 27-ից սկսված թուրք-ադրբեջանա-ահաբեկչական ագրեսիայից հետո ՄԱԿ-ը որևէ հստակ քայլ չի արել այդ ագրեսիան կանխելու ուղղությամբ:
Մանրամասները՝ տեսանյութում:
