Մարտի 1 անցած, իրար մարդասպանության մեջ մեղադրած նախագահները ճանապարհ են գնում՝ հանուն երկրի. ՏԵՍԱՆՅՈՒԹ

Factor.am-ի հարցազրույցը «Հանրապետություն» կուսակցության նախագահ Արամ Սարգսյանի հետ

-Այս պատերազմը, կարելի է ասել՝ միացրեց երբեմնի քաղաքական հակառակորդներ Ռոբերտ Քոչարյանին և Լևոն Տեր-Պետրոսյանին։ Նրանք ծրագրել էին միասին Մոսկվա մեկնել Արցախի հարցով քննարկումներ, հանդիպումներ ունենալու, սակայն երկրորդ նախագահը կորոնավիրուսով հիվանդացավ։ Դուք ինչպե՞ս եք գնահատում նրանց ակտիվությունը, ի՞նչ կարող են տալ այս իրավիճակում։

-Այսօր միասնություն կա։ Նախկին նախագահներ, որ իրար հետ «Մարտի 1» են անցել, իրար հակադիր մեղադրել են մարդասպանության մեջ, էսօր կարող են իրար հետ ճանապարհ գնալ՝ հանուն երկրի։ Մենք էսօր սա պետք է ի ցույց դնենք։ Մենք սրանով պետք է տարբերվենք Ադրբեջան կոչվող պետությունից։ Այ սա եմ կարևորում և կուզեմ իմ երկիրը էս ճանապարհով գնա։ Ես նախագահ չեմ եղել, ընդամենը 6 ամիս վարչապետ եմ եղել, իսկ նախագահները հարյուրապատիկը կարող են անել և ոչ միայն Մոսկվայում, իրենք նախագահ են եղել, իրենք ստատուս ունեն, վարչապետներ միլիոնով կան։ Իրենք նախագահ են և կարող են ավելի ակտիվ լինել՝ ներկայացնելու ճշմարտությունը։ Ոչ թե գործող իշխանությանը քննադատել՝ դրանով ներքաղաքական հարցեր լուծելու։ Ներքաղաքական ակտիվությունը հիմա վնասակար է, իրենք պիտի շատ ավելի արտաքին քաղաքականություն ցուցաբերեն ու եթե պետք է Մոսկվա, Վաշինգտոն, Շրի Լանկա գնալ, ուրեմն թող գնան, էդ միանշանակ ողջունելի և գովելի է։

Մանրամասները՝ տեսանյութում:

Ռոբերտ Անանյան