30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Ադրբեջանը հրաժարվում է վերիֆիկացիոն մեխանիզմների ստեղծումից․ Զոհրաբ Մնացականյան
Քաղաքականություն
29.10.2020 | 18:54
Բանակցություններում գլխավոր խոչընդոտն այն է, որ Ադրբեջանը պատրաստ չէ կայուն հրադադարի պարտավորություն ստանձնել։ ՌԻԱ Նովոստիին տված հարցազրույցում այս մասին ասել է ՀՀ ԱԳ նախարար Զոհրաբ Մնացականյանը։
Նա հիշեցրել է, որ հոկտեմբերի 10-ին Հայաստանի, Ադրբեջանի և ՌԴ ԱԳ նախարարները Մոսկվայում համատեղ հայտարարություն ընդունեցին, որի «կետերն իրենցից ճանապարհային քարտեզ են ներկայացնում»։
«Առաջին երեք կետերը, որոնք վերաբերում են կրակի դադարեցմանը, դրա կոնկրետ չափորոշիչների համաձայնեցման, զոհվածների մարմինների և ռազմագերիների փոխանակման անհրաժեշտությանը, պետք է իրագործվեն անհապաղ և առանց նախապայմանների։ Բանակցություններում գլխավոր խոչընդոտն այն է, որ Ադրբեջանը պատրաստ չէ կայուն հրադադարի պարտավորություն ստանձնել։ Ադրբեջանը հրաժարվում է վերիֆիկիացիոն մեխանիզմների ստեղծումից, նրա վաղեմի դիրքորոշումն է՝ խուսափել կայուն հրադադարի ռեժիմից և տեղ թողնել փոխադարձ մեղադրանքների համար»,- ասել է ՀՀ ԱԳ նախարարը։
Զոհրաբ Մնացականյանը նշել է, որ ներկայում ՌԴ-ի, Հայաստանի և Ադրբեջանի ԱԳ նախարարությունների միջև խորհրդակցություններ են անցկացվում վերիֆիկացիոն մեխանիզմների շուրջ։
«Առայժմ Ադրբեջանը հրաժարվում է կառուցողական մասնակցել կրակի դադարեցման ռեժիմի չափորոշիչների մշակմանը և շարունակում է լայնածավալ ռազմական գործողությունները»,- հավելել է նա։
