13.08.2026 | 15:22
Կիևին անհրաժեշտ է Patriot հրթիռների՝ ԱՄՆ պաշարներից 5%-ը․ Զելենսկի
Ռուս լրագրողները Ստեփանակերտում հայտնվել են հրետակոծության տակ
Քաղաքականություն
07.10.2020 | 13:29
Ռուսական «Իզվեստիա»-ի նկարահանող խումբը Լեռնային Ղարաբաղում հայտնվել է հրետակոծության տակ, տեղեկանում ենք գործակալության կայքից։
Տեղեկացվում է, որ լրագրող Դենիս Կուլագան օպերատոր Ալեքսանդր Մալիշևի ու տեղաբնակների հետ կարողացել է թաքնվել բնակելի տներից մեկի նկուղում։
«Իզվեստիա»-ի լրագրողը հայտնել է Լեռնային Ղարաբաղի մայրաքաղաքի երկու ռմբակոծության մասին։ Նշվում է, որ առաջին ռմբակոծությունից հետո 4 արկի բեկորները թափված են եղել քաղաքի կենտրոնական հրապարակում։
Հիշեցնենք, որ սա առաջին դեպքը չէ, երբ լրագրողներն Արցախում հայտնվում են կրակահերթի տակ։ Ավելի վաղ Մարտունիում հրետակոծության տակ էին հայտնվել հայ և օտարերկրյա լրագրողները, ինչի արդյունքում վիրավորվել էին նաև Le Monde-ի լրագրողն ու լուսանկարիչը, իսկ ավելի ուշ Մարտակերտից Ստեփանակերտ ճանապարհին կրակահերթի տակ է հայտնվել Factor TV-ի, «Շանթ» հեռուստաընկերության և ռուսական Առաջին ալիքի, ՏԱՍՍ-ի ու ՌԻԱ Նովոստիի լրագրողներին տեղափոխող միկրոավտոբուսը։
