28.04.2026 | 12:41
ՌԴ-ում «Ջերմուկի» որոշ խմբաքանակների իրացման հնարավոր կասեցման վերաբերյալ ՍԱՏՄ-ն պաշտոնական ծանուցում չի ստացել
Սիրիացի վարձկանը BBC-ին պատմել է Ադրբեջան մեկնելու, մարտերին մասնակցելու և վարձատրության չափի մասին
Քաղաքականություն
30.09.2020 | 22:34
BBC-ն հարցազրույց է հրապարակել սիրիացու հետ, որը պատմել է, որ հավաքագրվել է թուրքամետ «Սիրիական ազգային բանակի» հրամանատարներից մեկի կողմից և հիմա Ադրբեջանում է։
Նա նշել է, որ իրեն ռազմական օբյեկտների պահպանության աշխատանք է առաջարկվել, այլ ոչ թե մարտական գործողություններին մասնակցության, իսկ վարձատրության չափը՝ ամսական 2 հազար դոլար։ Սիրիացին պատմել է, որ Ադրբեջան է հասել Թուրքիայի տարածքով։
Վարձկանը նշել է նաև, որ չնայած նախնական պայմանավորվածությանը՝ ինքն ու այլ վարձկաններ Ղարաբաղում հայկական ուժերի դեմ մարտերում են ներգրավվել։ Ասել է՝ 10 սիրիացի զոհի մարմին է տեսել։
Սիրիայի հյուսիսում BBC-ի աղբյուրները պատմել են, որ արդեն մի քանի ընտանիքներ Ադրբեջանում իրենց հարազատների մահվան մասին լուրեր են ստացել։
Աղբյուրը հիշեցնում է, որ Ադրբեջանն ու Թուրքիան կտրականապես հերքում են սիրիացի վարձկանների հավաքագրելու և Ղարաբաղ ուղարկելու մասին տեղեկությունները։
