19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
ՀՀ դեսպանությունը ՌԴ-ում բնակվող մեր հայրենակիցներին ադրբեջանական սադրանքներին չտրվելու կոչ է արել
27.09.2020 | 17:04
Մոսկվայում ՀՀ դեսպանությունը Լեռնային Ղարաբաղում իրադրության սրման հետ կապված դիմել է ՌԴ-ում բնակվող մեր հայրենակիցներին՝ կոչ անելով չտրվել սադրանքների և չհավատալ ադրբեջանական կողմի տարածած ապատեղեկատվությանը։ Այս մասին ասված է ՌԴ-ում ՀՀ դեսպանության տարածած հաղորդագրությունում։
«Ստեղծված իրավիճակում ՌԴ-ում բնակվող մեր հայրենակիցներին խնդրում ենք զգոն լինել և չմասնակցել որևէ մասնավոր նախաձեռնությունների ու հավաքների, իսկ որևէ սադրանքի դեպքում անպայման դիմել դիվանագիտական ներկայացուցչություն»,- ասվում է հաղորդագրությունում։
Դեսպանությունը նաև ուշադրություն է հրավիրել սոցցանցերում ապատեղեկատվության տարածման ուղղությամբ՝ աշխարհի տարբեր երկրների հայ համայնքների ներկայացուցիչների հակաիրավական գործողությունների սադրելու համար, և կոչ արել զերծ մնալ ոչ պաշտոնական տեղեկության տարածումից։
«Բոլորին խնդրում ենք զերծ մնալ չստուգված, ոչ պաշտոնական տեղեկություն տարածելուց, առաջնորդվել բացառապես պաշտոնական աղբյուրներով (mil.am) և չտրվել սադրիչ գործողություններին»,- ասվում է դեսպանության հաղորդագրությունում։
