20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՔԿԾ-ում անցկացվել է քրեական ենթամշակույթի և կոռուպցիայի դեմ պայքարի հիմնահարցերին նվիրված խորհրդակցություն
24.09.2020 | 19:31
Սեպտեմբերի 24-ին ՀՀ արդարադատության նախարարության քրեակատարողական ծառայությունում անցկացվել է քրեական ենթամշակույթի և կոռուպցիայի հնարավոր դրսևորումները կանխարգելելու և բացառելու, ինչպես նաև դրանց դեմ համակարգված պայքար մղելու հիմնահարցերին նվիրված խորհրդակցություն, որին մասնակցել են Ծառայության պետ Արթուր Գոյունյանը, Ծառայության պետի օպերատիվ գծով տեղակալ Գագիկ Մարկոսյանը, ինչպես նաև ՀՀ ԱՆ քրեակատարողական հիմնարկների պետերը, նրանց տեղակալները, Ծառայության կենտրոնական մարմնի և քրեակատարողական հիմնարկների օպերատիվ ստորաբաժանումների ղեկավարներն ու անձնակազմը։
«Խորհրդակցության ընթացքում Արթուր Գոյունյանը և Գագիկ Մարկոսյանը, առանձնահատուկ կարևորելով քրեակատարողական հիմնարկներում քրեական ենթամշակույթի և կոռուպցիայի հաղթահարումը, արձանագրել են, որ Հայաստանի Հանրապետությունում քրեական ենթամշակույթի և կոռուպցիայի դեմ ծավալվող հետևողական պայքարը և դրա հետագա ակտիվացման միտումները վկայում են քրեակատարողական ծառայության համակարգում ժամանակին համահունչ մի շարք իրավակազմակերպական և այլ միջոցառումներ ձեռնարկելու անհրաժեշտության մասին։ Այդ նպատակով ՀՀ ԱՆ քրեակատարողական ծառայության կողմից կատարվել են համապատասխան ուսումնասիրություններ և ամփոփումներ, որոնց արդյունքներով կազմվել և արդեն իսկ շրջանառության մեջ է դրվել քրեակատարողական ծառայության համակարգում օպերատիվ իրադրության վերահսկելիության բարձրացմանն ուղղված համալիր միջոցառումների ծրագիր։
Վերոհիշյալով պայմանավորված՝ խորհրդակցության ընթացքում քննարկվել են խնդրո առարկային առնչվող մի շարք կազմակերպչական հարցեր, նախանշվել են անհրաժեշտ օպերատիվ-հետախուզական և այլ իրավակազմակերպական միջոցառումների շրջանակը, դրանց արդյունավետ իրականացման եղանակները, ինչպես նաև քրեական ենթամշակույթի և կոռուպցիայի դեմ պայքարի հակազդեցության փորձերի կանխարգելման ու չեզոքացման հնարավոր մեխանիզմները»,- ասված է ՀՀ ԱՆ քրեակատարողական ծառայության հանրային կապերի բաժնի տարածած հաղորդագրությունում:
