Ֆինանսական խնդիրները բոցաշունչ ելույթներով չեն կարող լուծվել. Ծովինար Վարդանյան. ՏԵՍԱՆՅՈՒԹ

Այսօր Ազգային ժողովում «Բարգավաճ Հայաստան» խմբակցության նախաձեռնությամբ հրավիրվել է «Վարկերի և ժամկետանց այլ պարտավորությունների նկատմամբ տույժերի, տուգանքների և վարկային տոկոսադրույքների կիրառման, դրանց համաներման և այլ վարկային հիմնախնդիրները ՀՀ բանկային համակարգում» թեմայով խորհրդարանական լսումներ։

ԱԺ «Իմ քայլը» խմբակցության պատգամավոր Ծովինար Վարդանյանն ասաց, որ լսելով ելույթները՝ կարելի է հասկանալ, որ ֆինանսական գրագիտության խնդիր ունենք։

«Ֆինանսական համակարգի խնդիրները բոցաշունչ ելույթներով լուծել հնարավոր չէ, նույնիսկ եթե դրանք համեմված են քաղաքական էլեմենտներով։ Ելույթների մեծամասնությունը լսելուց ինձ համար հասկանալի է դառնում, որ այստեղ անելիք ունեն և՛ Կենտրոնական բանկը՝ այդ ֆինանսական գրագիտությունը բարձրացնելու մասով, և՛ մենք՝ Ազգային ժողովի պատգամավորները, և՛ բոլոր այն հասարակական կազմակերպությունները, որոնք անհանգստացած են քաղաքացիների ֆինանսական գրագիտությունը բարձրացնելու և նման ծայրահեղ վիճակներից նրանց դուրս բերելու համար»,- ասաց նա։

Պատգամավորը զարմանում է, երբ ասվում է՝ վարկը տնտեսվարողին տրամադրելով՝ նրան դատապարտում են սնանկության։

«Երբ խոսում ենք ինչ-որ վարկային արձակուրդի մասին և պահանջում ենք, որ տոկոսները չհաշվեն կամ սպառնալիքի լեզվով ենք խոսում, խնդրում եմ, շատ կարևոր է, որպեսզի հասկանանք, որ մենք գործ ունենք ուրիշ մարդկանց գումարների հետ»,- նշեց Վարդանյանը:

Մանրամասները՝ տեսանյութում։