02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
Իսրայելի ներկայացուցիչն Էրդողանի ելույթի ժամանակ լքել է ՄԱԿ-ի դահլիճը
Քաղաքականություն
23.09.2020 | 15:52
ՄԱԿ-ի 75-ամյակի կապակցությամբ հրավիրված գագաթնաժողովի ժամանակ ուշագրավ միջադեպ է տեղի ունեցել Թուրքիայի և Իսրայելի միջև։ Այն մեծ արձագանք է գտել թուրքական լրատվամիջոցներում. գրում է ermenihaber.-ը:
Գագաթնաժողովում ելույթ ունեցած Թուրքիայի նախագահ Ռեջեփ Թայիփ Էրդողանը ըստ ավանդույթի առիթը բաց չի թողել քննադատելու իսրայելական իշխանությունների պաղեստինյան քաղաքականությունը։ Թուրքիայի նախագահը նորից Իսրայելին մեղադրել է «պաղեստինյան հողերը օկուպացնելու, պաղեստինցիներին ճնշելու մեջ» և հավելել, որ Անկարան չի աջակցի ոչ մի պայմանագրի, որտեղ «հաշվի չեն առնվի պաղեստինցի ժողովրդի շահերը»։
Էրդողանը նաև կոչ է արել աշխարհի տարբեր երկրներին հրաժարվել իրենց դեսպանությունները Թել-Ավիվից Երուսաղեմ տեղափոխելու մտքից։
Ի պատասխան դրան՝ Իսրայելի ներկայացուցիչը ցուցադրաբար, որպես բողոքի նշան, լքել է նիստերի դահլիճը Էրդողանի ելույթի ժամանակ։
