27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Դատարանի միջամտությունը անթույլատրելի է. դատախազը՝ Մարտի 1-ի գործի ողջ նյութերի պահանջի մասին. ՏԵՍԱՆՅՈՒԹ
Հասարակություն
22.09.2020 | 14:16
«Փուլային կառուցակարգերով պայմանավորված՝ քրեական գործի նախաքննության ընթացքում գտնվող գործով որևէ դատարանի միջամտությունն անթույլատրելի է և դրանով պայմանավորված չի կարող սահմանվել վարույթն իրականացնող մարմնի պարտականությունը՝ հրապարակային դարձնելու այն քրեական գործի նյութերը, որոնք դեռևս նախաքննության փուլում են»,- այս մասին այսօր դատարանում ասաց դատախազ Պետրոս Պետրոսյանը։
Դատախազի խոսքով՝ քրեական գործով բոլոր տվյալներն անջատվել և զետեղվել են քրեական գործում և նմանօրինակ հանգամանքների առկայությունը հիմք է տալիս վկայակոչելու, որ դրանք ընդամենը պաշտպանության կողմից ենթադրություններ են։
«Նրանք ունեն այնպիսի փաստական տվյալներ, որ հնարավորության դեպքում կարող են քննարկման առարկա դարձնել այս դատարանում՝ գործի քննության ընթացքում»,- ասաց Պետրոսյանը՝ ընդգծելով, որ ներկայացված հանգամանքներն ամբողջության մեջ նաև պարունակում են քրեադատավարական օրենքով նախատեսված պահանջի բացակայություն։
Բացի դա՝ Պետրոսյանը գտնում է, որ վկայակոչված չեն այն նորմերը, որոնց վրա դատարանը հղում կատարելով պետք է դատարանին միջնորդություն հարուցեր և ներկայացներ, թե դատարանն ինչ լիազորության գործադրմամբ պետք է նման գործողություններ իրականացնի։
Մանսվարորապես, դատարանին ներկայացվող միջնորդությունները պետք է ունենան համապատասխան դատավարական ընթացակարգերի հենք, որոնք տվյալ պարագայում, դատախազի պնդմամբ, բացակայում են և դատարանը նման միջոցներ գործադրելու լիազորություններից զրկված է։
Մանրամասները՝ տեսանյութում:
Լիլիթ Շաբոյան
