16.04.2025 | 09:34
Էջմիածնում «Chevrolet» մակնիշի ավտոմեքենա է այրվել
Այսօր 85․246 նպաստառու ընտանիքներ կան և ավելի քան 350 հազար այլ շահառուներ․ Ժամակոչյան. ՏԵՍԱՆՅՈՒԹ
Հասարակություն
22.09.2020 | 11:56
Կառավարությունը խորհրդարանի քննարկմանն է ներկայացրել օրենքի նախագիծ, որով, մասնավորապես, առաջարկվում է նախատեսվող սոցիալական ծառայությունների պետական գրասենյակի փոխարեն ստեղծել համալիր սոցիալական ծառայություն, որում կմիավորվեն տարածքային մի շարք գրասենյակների գործառույթներ:
«Սոցիալական աջակցության մասին» օրենքում փոփոխություններ կատարելու մասին և կից ներկայացված օրենքների նախագծերի փաթեթն ԱԺ նիստում ներկայացրեց ՀՀ աշխատանքի և սոցիալական հարցերի նախարարի տեղակալ Աննա Ժամակոչյանը:
Ի պատասխան «Իմ քայլը» խմբակցության պատգամավոր Բաբկեն Թունյանի հարցին, թե որոնք են նախագծերի փաթեթի ընդունման հրատապության պատճառները, Ժամակոչյանը նշեց, որ այն պայմանավորված է ներկայացված օրենքների նախագծերի ուժի մեջ մտնելու ժամկետով․ դրանք ուժի մեջ են մտնում սեպտեմբերի 23-ին:
«Մեր գերնպատակն է պետական կառույցների կողմից սոցիալական ծառայությունների տրամադրումն անխափան ապահովելը: Մենք չենք կարող բարեփոխմանը գնալ այնպես, որ անգամ մեկ օր ուշացնենք քաղաքացիներին տրամադրվող ծառայությունները: Այսօր 85․246 նպաստառու ընտանիքներ կան և ավելի քան 350 հազար այլ շահառուներ, ովքեր օգտվում են սոցիալական ծառայություններից»,- ասաց փոխնախարարը:
Մանրամասները՝ տեսանյութում:
