27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ծառուկյանի ընտրակաշառքի գործով կան մի քանի տասնյակ մեղադրյալներ. Արգիշտի Քյարամյան. ՏԵՍԱՆՅՈՒԹ
Հասարակություն
21.09.2020 | 10:35
Գագիկ Խաչատրյանի վերաբերյալ քրեական գործից մաս է անջատվել, որը գտնվում է դատարանում, այլևս նախաքննական մարմնի տիրույթում չէ: Այսօր Եռաբլուրում լրագրողների հետ զրույցում այս մասին ասաց ԱԱԾ տնօրեն Արգիշտի Քյարամյանը՝ անդրադառնալով քրեական գործերին, որոնցում շոշափվում են Գագիկ Ծառուկյանի, Գագիկ Խաչատրյանի, Արթուր Վանեցյանի անունները:
«Ինչ վերաբերում է ընտրակաշառքի վերաբերյալ քրեական գործին, որն առնչվում է Գագիկ Ծառուկյանի հետ, այն շատ մեծ ծավալներով քննվում է, կան մի քանի տասնյակ մեղադրյալներ: Առաջիկայում գործը կարող է ուղարկվել դատարան: Այսպիսի քրեական գործերի առանձնահատկությունն այն է, որ դրանցից անընդհատ նոր քրեական գործեր են հարուցվում, լինում են նոր դրվագներ, որոնք լրացուցիչ քննության առարկա են դառնում»,-ասաց Արգիշտի Քյարամյանը:
Հարցին՝ ինչո՞ւ է հենց ԱԱԾ-ն քննում Գագիկ Ծառուկյանի գործը, ոչ թե ՀՔԾ-ն, Քյարամյանը պատասխանեց, որ դատախազությունն իրավասություն ունի ցանկացած քրեական գործ վերցնել մեկ նախաքննական մարմնից և փոխանցել այլ նախաքննական մարմնի:
«Այս հարցի վերաբերյալ ունենք նաև դատարանի որոշում, դատարանն օրինաչափ է համարել այն հանգամանքը, որ սույն քրեական գործը քննում է ԱԱԾ-ն»,- ասաց կառույցի ղեկավարը՝ հավելելով, որ այն հավելյալ ճնշման գործիք չէ:
Մանրամասները՝ տեսանյութում:
