12.10.2026 | 09:46
ՀՀ տարածքում ավտոճանապարհներն անցանելի են
Տավուշի մարտերում զոհված զինծառայողների ընտանիքներին հատուցումներ կտրամադրվեն
17.09.2020 | 22:12
Զինծառայողների հիմնադրամը տեղեկացնում է, որ վերջերս տեղի ունեցած հուլիսյան գործողությունների ժամանակ Տավուշի ուղղությամբ հակառակորդի կողմից հրադադարի խախտման հետևանքով տեղի ունեցած բոլոր դեպքերով «Զինծառայողների ապահովագրության» հիմնադրամի կողմից կտրամադրվեն հատուցումներ։
«Այսօր՝ 17․09․2020թ․-ին Հիմնադրամի ակտիվների և պարտավորությունների կառավարման հանձնաժողովը կայացրեց որոշում սահմանված կարգով տրամադրել հատուցումներ սույն թվականի հուլիսին զոհված 6 զինծառայողների ընտանիքի անդամներին։
Որոշման համաձայն հատուցումներ կտրամադրվեն․
Սպայական կազմի զոհված զինծառայողներ՝ կապիտաններ Աշոտ Գևորգի Միքայելյանի, Սոս Փայլակի Էլբակյանի և մայոր Գարուշ Վեմիրի Համբարձումյանի ընտանիքի անդամներին՝ միանվագ 10 միլիոն ՀՀ դրամ և ամսական 300 հազ. ՀՀ դրամ ՝ 20 տարվա կտրվածքով:
Ժամկետային զինվորական ծառայության զոհված շարքային զինծառայողներ Գրիշա Վահանի Մաթևոսյանի, Արթուր Բագրատի Մուրադյանի և Սմբատ Գևորգի Գաբրիելյանի ընտանիքի անդամներին՝ միանվագ 10 միլիոն ՀՀ դրամ և ամսական 200 հազ. ՀՀ դրամ ՝ 20 տարվա կտրվածքով:
Համաձայն «Հայբիզնեսբանկ» ՓԲԸ-ի և «Արցախբանկ» ՓԲԸ-ի հետ կնքված պայմանագրերի՝ գումարները կփոխանցվեն շահառուների համար բացված հատուկ բանկային հաշիվներին, որոնք սպասարկվում են անվճար»:
