28.10.2026 | 22:29
ՄԻՊ ներկայացուցիչները այցելել են «Նուբարաշեն» ՔԿՀ, առանձնազրույցներ ունեցել ազատությունից զրկված անձանց հետ
Մարզիկ Արմեն Ղազարյանի հաղորդման հիման վրա ՀՔԾ-ում հարուցվել է քրեական գործ
Հասարակություն
17.09.2020 | 17:28
Ծանրամարտի միջազգային կարգի սպորտի վարպետ, միջազգային կարգի մրցավար Արմեն Ղազարյանի և ոստիկանների միջև տեղի ունեցած դեպքի առթիվ ՀՀ հատուկ քննչական ծառայությունում քրեական գործ է հարուցվել: Այս մասին ի պատասխան մեր հարցի հայտնեց ՀՔԾ խոսնակ Մարինա Օհանջանյանը։
ՀՀ հատուկ քննչական ծառայությունում ստացված հաղորդումների առթիվ նախապատրաստված նյութերի հիման վրա 2020 թվականի սեպտեմբերի 17-ին ՀՀ քրեական օրենսգրքի 309.1-րդ հոդվածի 2-րդ մասի 1-ին եւ 4-րդ կետերով հարուցվել է քրեական գործ` ոստիկանության մի խումբ պաշտոնատար անձանց կողմից ոստիկանության Նոր Նորքի բաժնում երկու անձանց խոշտանգելու առերեւույթ հանցագործության դեպքի առթիվ:
Հիշեցնենք, որ ըստ մարզիկի իրեն ոստիկանական բաժանմունքում խոշտանգել են:
