15.07.2026 | 20:20
«Դրսից եկողների» դեմ փոփոխություն․ ՀՀ-ն խստացնում է ընտրական ցենզը, մինչ այլ երկրներ հրաժարվում են սահմանափակումներից
Եթե դպրոցներում կանոնները պահենք՝ կարճ ժամանակ հետո կգնանք այդ կանոնների թուլացմանը․ ԿԳՄՍ նախարար. ՏԵՍԱՆՅՈՒԹ
Հասարակություն
10.09.2020 | 11:44
Առողջապահության նախարարության կողմից կրթական ոլորտի համար սահմանված կանոնները պետք է խստորեն պահպանենք: Վստահ ենք, որ եթե սահմանված կանոնները պահենք, շատ կարճ ճամանակ հետո ինքներս կգնանք արդեն գոյություն ունեցող կանոնների թուլացմանը դպրոցում: Այս մասին այսօր Կառավարության նիստում հայտարարեց ԿԳՄՍ նախարար Արայիկ Հարությունյանը:
«Խնդրում ենք ուսուցիչների, աշակերտների աջակցությունն այս հարցում, որ ընդմիշտ այս իրավիճակից դուրս գանք: Մենք ինքներս շահագրգռված ենք արագ վերադառնալու բնականոն հուն»,- ասաց ԿԳՄՍ նախարարը:
Գործադիրի նիստում նշվեց նաև, որ ուսուցիչների լայնածավալ թեստավորում է իրականացվում, և թեստերի թվի աճը նաև դրանով է պայմանավորված:
Վարչապետ Նիկոլ Փաշինյանը, անդրադառնալով դպրոցների բացման թեմային, նշեց. «Մենք ուզում ենք դպրոցները բացենք ու չփակենք: Շատերն առաջարկում են, ասում են՝ եկեք բացենք, ոչինչ, 20 օրից նորից փակենք: Էքսպերիմենտներ հո չե՞նք անում: Մենք պետք է դպրոցները բացենք այնպես, որ փակելը բացառվի»:
Մանրամասները՝ տեսանյութում:
