18.11.2024 | 11:44
Դժվար է բացառել, որ կուլիսային բանակցություններ չկան ՀՀ-ի և Ադրբեջանի իշխանությունների միջև. Աբրահամյան․ ՏԵՍԱՆՅՈՒԹ
Լույս է տեսել Պյոտր Սվիտալսկու «Հայկական հեղափոխություն. անավարտ հաղորդագրություններ» գիրքը
03.09.2020 | 23:02
Pism.pl կայքում, որը Միջազգային հարաբերությունների լեհական ինստիտուտի պաշտոնական կայքն է, հրապարակվել է Հայաստանում Եվրոպական միության պատվիրակության նախկին ղեկավար, դեսպան Պյոտր Սվիտալսկիի հեղինակային գրքի էլեկտրոնային տարբերակը, որը պատմում է 2018 թվականին մեր երկրում տեղի ունեցած ոչ բռնի, թավշյա, ժողովրդական հեղափոխության մասին։
«Արմենպրես»-ի հաղորդմամբ, «Հայկական հեղափոխություն. անավարտ շղթա» վերնագրով գրքում հեղինակը նկարագրում է Հայաստանում պետության հետխորհրդային մոդելի ձևավորման մեխանիզմները և սոցիալական դժգոհության աճի գործընթացը:
Նա մանրամասն ներկայացնում է հեղափոխական իրադարձությունների ընթացքը՝ Երեւանում տեղակայված արևմտյան դիվանագետի աչքերով: Պյոտր Սվիտալսկին գրքում նշում է երկրի բարեփոխման գործում նոր քաղաքական թիմի հաջողությունները, ինչպես նաև այն դժվարությունները, որոնք, ի միջի այլոց, կապված են հին տնտեսական և քաղաքական կառույցների դիմադրության հետ:
Գրքում նախկին դեսպանը վերլուծում է Հայաստանում բարեփոխումների գործընթացի աշխարհաքաղաքական ենթատեքստը՝ հաշվի առնելով Լեռնային Ղարաբաղի հակամարտության գործոնը և դրա հնարավոր կարգավորումը:
Գրքի վերջնամասում Սվիտալսկին ներկայացնում է առաջարկություններ և դիտարկումներ՝ կապված Եվրամիության քաղաքականության և տարածաշրջանում Լեհաստանի, մասնավորապես` Հայաստանի հետ գործունեության հետ կապված:
