29.04.2026 | 09:50
Թմրանյութի առցանց վաճառք և միլիոնների լվացում․ 3 քրեական վարույթի նախաքննությունն ավարտվել է
ԵՄ-ն քննարկում է Բելառուսի դեմ պատժամիջոցներ կիրառելու հարցը
Քաղաքականություն
28.08.2020 | 18:55
Եվրամիության արտաքին գործերի նախարարները Բեռլինում կայացած ոչ պաշտոնական հանդիպմանը բանակցություններ են անցկացրել: Օրակարգի հիմնական հարցերը Բելառուսը և միջերկրածովյան Թուրքիա-Հունաստան վեճերն են. հաղորդում է VOA-ն:
ԵՄ-ն փորձում է պատժամիջոցներ կիրառել Բելառուսի դեմ՝ նախագահ Ալեքսանդր Լուկաշենկոյի վրա ճնշում գործադրելու և նոր ընտրություններ անցկացնելու համար:
Հաջակցություն Լուկաշենկոյի՝ 26-ամյա երկաթյա վարչակազմի դեմ բողոքի զանգվածային ցույցերի մասնակիցների՝ ԵՄ նախարարները քննարկում են ճանապարհորդական արգելափակումներ ու ակտիվների սառեցում կիրառել մինչև 20 հոգու նկատմամբ, որոնք պատասխանատու են ցուցարարների դեմ բռնի գործողությունների համար:
Հանդիպումը հյուրընկալող կողմի՝ Գերմանիայի արտաքին գործերի նախարար Հայկո Մաասն էլ կոչ է արել դիվանագիտական լուծում տալ Հունաստանի և Թուրքիայի միջև վեճին Միջերկրական ծովում վերահսկողության հարցի շուրջ: Կողմերի միջև այդ խնդիրը սրվել էր, երբ Անկարան այս ամիս սեյսմիկ զննման նավ էր ուղարկել վիճելի տարածաշրջան, ինչն Աթենքն անվանել է անօրինական:
Արտաքին գործերի նախարարները կքննարկեն նաև Կրեմլի քննադատ Ալեքսեյ Նավալնիի կասկածելի թունավորման հարցը: Մաասը նախազգուշացրել է, որ այն ազդեցություն կունենա Ռուսաստան-ԵՄ հարաբերությունների վրա, եթե Մոսկվան չօգնի պարզել տեղի ունեցածը:
Նավալնին այս պահին գտնվում է Բեռլինի հիվանդանոցում:
