26.08.2026 | 10:40
US Open. Ալինա Չառաևան պարտություն կրեց որակավորման փուլում
Դատաիրավական կարգով վիճարկելու եմ Գևորգ Մուրադյանի նշանակման հիմքերը․ԵՊՀ հոգաբարձուների խորհրդի անդամ. ՏԵՍԱՆՅՈՒԹ
Հասարակություն
25.08.2020 | 13:44
ԵՊՀ հոգաբարձուների խորհրդի անդամ Մենուա Սողոմոնյանը դատաիրավական կարգով կվիճարկի ԵՊՀ հոգաբարձուների խորհրդի մեկ այլ անդամի՝ Գևորգ Մուրադյանի նշանակումը։ Այս մասին նա ասաց այսօր լրագրողների հետ զզրույցում։
«Նա որպես «Մետրիկա» ՍՊԸ-ի հիմնադիր է նշանակվել ԿԳՄՍ նախարարի կողմից։ Նշանակվել է որպես համալսարանի գործատու և որպես տնտեսության ոլորտի ներկայացուցիչ։ Երբ նայում ենք ինտերնետում, այդ ՍՊԸ-ի մասին որևիցե տեղեկություն չկա, հետևաբար չի կարող լինել ճանաչված։ Եթե Գևորգ Մուրադյանը ներկայացվում է որպես տնտեսության ոլորտի ճանաչված ներկայացուցիչ, այստեղ անհեթեթություն է դառնում։ Ճանաչված ներկայացուցչի հետ կապված բացահայտ խախտում է տեղի ունենում։ Եվ երկրորդը՝ Վահան Պապիկյանը, վարչապետի աշխատակազմի գործերի կառավարիչը, նշանակվել է իբրև պետական պաշտոնյա։ Համապատասխան իրավական ակտերը նայելիս, մասնավորապես հանրային ծառայության մասին ՀՀ օրենքը, որը սահմանում է, թե որոնք են պետական պաշտոնները, այնտեղ աշխատակզմի գործերի կառավարիչն ընդգրկված չէ որպես պետական պաշտոնյա։ Դա կարող է դիտվել որպես պետական ծառայության պաշտոնյա, որը հստակ տարանջատված է»,- նշեց Սողոմոնյանը։
Վերջինիս խոսքով՝ եթե անգամ 1 ներկայացուցչի նշանակման հետ կապված խնդիր կա, ապա հետագայում խորհրդի գործունեությունը չի կարող լինել լեգիտիմ։
Մանրամասները՝ տեսանյութում։
