09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Արմավիրի մարզում բախվել են Մեծամորի հիվանդանոցի շտապօգնության ավտոմեքենան ու Toyota Vitz-ը. կա 5 վիրավոր
Հասարակություն
24.08.2020 | 21:02
Արմավիրի մարզում այսօր՝ օգոստոսի 24-ին, ժամը 16:40-ի սահմաններում Երեւան-Արմավիր ավտոճանապարհի 26-րդ կմ հատվածում բախվել են Մեծամոր քաղաքի բնակիչ, 56-ամյա Գրիգոր Ղազանչյանի վարած Ջին Բեյ մակնիշի եւ Արմավիր քաղաքի բնակիչ, 29-ամյա Արման Թամազյանի վարած Toyota Vitz մակնիշի ավտոմեքենաները: Այս մասին հայտնում է shamshyan.com-ը։
Վթարի հետևանքով 5 հոգի, որոնցից երկուսը երեխաներ են, մարմնական վնասվածքներով տեղափոխվել են «Էջմիածին» բժշկակական կենտրոն:
Փրկարարները հոսանքազրկել են ավտոմեքենաները և սահմանազատել տարածքը:
Բախման հետևանքով էլ Toyota–ն դուրս է եկել ճանապարհի երթևեկելի գոտուց և հայտնվել դաշտում:
Կայքի տեղեկություններով՝ Ջին Բեյ-ը հաշվառված է «Մեծամորի բժշկական կենտրոն» փակ բաժնետիրական ընկերության հաշվեկշռում:
Նախնական տեղեկություններով՝ վթարի մեղավորը եղել է շտապօգնության ավտոմեքենան, որը դուրս է եկել հանդիպակաց երթևեկելի գոտի, վթարային իրավիճակ ստեղծել հանդիպակաց երթեւեկող վարորդների համար, ինչն էլ դարձել է բախման պատճառ:
