19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Լուկաշենկոն ու որդին զինվել են ինքնաձիգներով
Քաղաքականություն
23.08.2020 | 21:32
Քիչ առաջ համացանցի բելառուսական հատվածում հայտնվել են տեսանյութեր, որոնցում երևում է՝ ինչպես է Բելառուսի նախագահ Ալեքսանդր Լուկաշենկոն ուղղաթիռով թռել Մինսկում գտնվող Անկախության պալատ։ Ըստ լրատվամիջոցների՝ նրա հետ է նաև որդին։ Տեսանյութերում երևում է, որ նրանք կրում են զրահաբաճկոն և ձեռքերում կա ինքնաձիգ։ Լսվում է նաև, որ Լուկաշենկոն ինչ-որ մեկին ասում է․ «Ինձ հանգիստ թողեք», և ապա հարցնում է․ «Այստեղ ոչ ոք չի մնացել, այնպես չէ՞»։
Հիշեցնենք, այսօր՝ օգոստոսի 23-ին, Բելառուսում անցկացվել է հերթական բացմահազարանոց երթը, որ կրում է «Նոր Բելառուսի երթ» անունը։ Լուկաշենկոն ավելի վաղ հայտարարել է, որ երկուշաբթի օրը կլուծի հանրահավաքների հարցը։ Բելառուսի փողոցներում ոստիկանական ուժերից զատ երևում են նաև բանակայիններ։
