17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Վանաձորի տեքստիլ ֆաբրիկայում 200 թեստից 50 դրական դեպք ունենք. Թորոսյան. ՏԵՍԱՆՅՈՒԹ
20.08.2020 | 11:30
Լոռու մարզի Վանաձոր քաղաքում տարբեր տեսակի հաստատություններից վերցված կորոնավիրուսի թեստերից գրեթե բոլոր տեղերում արձանագրվել է 0 դրական պատասխան՝ բացառությամբ տեքստիլի 2 խոշոր ֆաբրիկաներից։ Այս մասին այսօր Կառավարության նիստին հայտնեց առողջապահության նախարար Արսեն Թորոսյանը։
«Ֆաբրիկաներից մեկում 200 նմուշից 50-ը դրական է եղել՝ ասիմպտոմ։ Դա նշանակում է, որ այդ ֆաբրիկայում պարզապես կանոնները չեն պահպանվում։ Ունենք «Հայփոստ»-ի գրասենյակից՝ 0 դրական, բժշկական կենտրոնից՝ 0 դրական, մեկ ուրիշ կարի ֆաբրիկա էլ ունենք՝ Վանաձոր քաղաքից դուրս, էլի 0 դրական։ Այսինքն՝ ակնհայտ է, որ այնտեղ, որտեղ պահպանվում են կանոնները, ունենք լավ արդյունքներ, եթե նույնիսկ 0 էլ չի, շատ փոքր թվեր, իսկ որտեղ որ չեն պահպանվում, տասնյակ դեպքեր կան, ովքեր հետո տեղափոխվում են իրենց տներ»,- նշեց Թորոսյանը։
Նախարարը հիշեցրեց, որ պետք է տնտեսվարողների և Կառավարության ջանքերը շարունակական լինեն։
Մանրամասները՝ տեսանյութում։
