01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Խաթարում է բնակիչների արժանավայել ապրելու իրավունքը․ Դավիթ Պետրոսյանը՝ Աղբյուր Սերոբ 18 հասցեում բարձրահարկ կառուցելու մասին. ՏԵՍԱՆՅՈՒԹ
Հասարակություն
19.08.2020 | 20:45
Խաթարում է այստեղ բնակվող մարդկանց արժանավայել ապրելու իրավունքը։ Տարին չորս անգամ շենքի կոյուղին է դուրս գալիս, իսկ մյուս հատվածը փակ է։ Այս հատվածի հետ կապված հույսեր ունեինք, որ կարող է խաղահրապարակի, կանաչապատ տարածության վերածվի, բայց, պազվեց, որ քանդվում է ու դրա փոխարեն ինչ-որ բազմաբնակարան շենք է կառուցվում՝ շատ մոտ հեռավորության վրա։ Այս մասին այսօր լրագրողների հետ զրույցում նշեց «Ռեստարտ» նախաձեռնության անդամ Դավիթ Պետրոսյանը՝ անդրադառնալով Երևանի Աղբյուր Սերոբ 18 հասցեում ընթացող նախկին պետական մանկապարտեզի քանդման ու դրա փոխարեն բազմաբնակարան շենք կառուցելու գործընթացին։
«Առանց որևէ ծանուցման է եղել, մեր կարծիքը ոչ ոք չի հարցրել, բնակիչներից ոչ ոք չի խոսել։ Մեր հիմնական խնդիրը նրանում է, որ հաշվի չեն առնվում մարդկանց մտահոգությունները։ Նամակներ են ուղարկել քաղաքապետարան, մի քանի պատգամավորի, դեռ պատասխանի ենք սպասում։ Մոտ 4 ամիս առաջ քաղաքապետարան դիմում էինք ուղարկել, նշել էին, որ մեր մտահոգությունները կուսումնասիրվեն, հիմա չգիտենք էլ՝ ուսումնասիրվել են, թե ոչ, որովհետև մեզ հետ ոչ մեկ ոչինչ չի խոսել»,- ասաց Դավիթ Պետրոսյանը։
Մանրամասները՝ տեսանյութում։
Նելլի Մելքոնյան
