24.02.2026 | 12:34
Հայ բռնցքամարտիկները հաղթանակով են մեկնարկել հեղինակավոր մրցաշարում
«Նման գործարարների հետ չենք ցանկանում կապեր ստեղծել»․ Գագիկ Մակարյանը՝ Արտակ Սարգսյանի մասին
Տնտեսություն
24.05.2017 | 17:48
Հայաստանի «Գործատուների հանրապետական միության» նախագահ Գագիկ Մակարյանը, արձագանքելով Factor.am-ի հարցին, թե ինչո՞ւ միությունը չարձագանքեց «ՍԱՍ» գրուպի սկանդալային ձայնագրությանը, որում դրսևորվում էր գործատուի կողմից անթույլատրելի վարքագիծը աշխատողների նկատմամբ՝ ասաց․ «Դա այն դեպքն է, որ մենք չխոսեցինք, այդ կերպ արտահայտելով մեր դժգոհությունը․ ոչ բոլորին կարելի է համարել գործատուներ։ Գործատու հասկացությունը ներառում է կորպորատիվ մտածելակերպ և ոչ թե նեղ բիզնես շահեր, հետևաբար երբ մենք խոսում ենք գործատու կատեգորիայի մասին, իսկ մեր միությունը ուշադիր է, թե ովքեր են անդամները, այդ ձևով էլ խթանում ենք ճիշտ գործատուների առաջընթացը։ Իսկ նրանք, անկախ նրանից, թե ինչ կուսակցության անդամ են կամ ինչ կրթություն ունեն, եթե դեռևս չեն հարում ավելի գլոբալ արժեքներին, մենք նրանց հետ չենք բանակցում»։
Մակարյանի խոսքով՝ խորհրդարանական ընտրություններում ռեյտինգային ընտրակարգով առաջադրված տարբեր գործարարներ միայն բիզնեսշահ են հետապնդում, դրա համար են ցանկանում են լինել խորհրդարանում:
«Իրենք մտածում են, որ ԱԺ-ում լինելը իրենց համար փողերի ու ծրագրերի մի պորտֆել է, որից անընդհատ պիտի օգտվեն, բայց հիմա ժամանակները փոխվել են։ Նման գործատուների մասին հայտարարությամբ չենք արձագանքելու, նրանք մեր միության անդամը չեն, նման գործատուների հետ դեռևս չենք ցանկանում կապեր ստեղծել»,-նշեց Մակարյանը։
Առավել մանրամասն՝ տեսանյութում։
