30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
«Արարատ»-ի երկու թիմերի 8 ֆուտբոլիստ և 3 մարզիչ վարակվել են կորոնավիրուսով
15.08.2020 | 18:28
Երևանի «Արարատ» ֆուտբոլային ակումբի երկու թիմերի 8 ֆուտբոլիստ և 3 մարզիչ վարակվել են կորոնավիրուսով. այս մասին հայտնում է Հայաստանի ֆուտբոլի ֆեդերացիան:
«Արարատ» ֆուտբոլային ակումբը ՀՖՖ է ուղարկել նամակ՝ հայտնելով, որ «Արարատ-2» թիմի 6 ֆուտբոլիստի և «Արարատ» թիմի 2 ֆուտբոլիստի և 3 մարզչի կորոնավիրուսի թեստերի պատասխանները դրական են:
ՀՖՖ Մրցումների կազմակերպման և անցկացման բաժինը, առաջնորդվելով ՀՖՖ 2020/2021 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի հոդված 4-ի կետ 5-ով, կայացրել է Հայաստանի Առաջին խմբի առաջին տուրի «Ալաշկերտ-2»-«Արարատ-2» հանդիպումը հետաձգելու որոշում:
Հաշվի առնելով նույն ուղեցույցի հոդված 4-ի 4-րդ կետը՝ որոշվել է, որ Հայաստանի Պրեմիեր լիգայի առաջին տուրի «Արարատ»-«Փյունիկ» հանդիպումը չի հետաձգվի և կկայանա նախապես սահմանված ժամկետներում:
