29.08.2026 | 15:07
Հայաստանում մեկնարկել է որսաշրջանը․ Էկոպարեկային ծառայությունը խստացված հսկողություն է իրականացնելու
Defense News․ Կոնգրեսը 2 տարով սառեցրել է զենքի վաճառքը Թուրքիային
Քաղաքականություն
13.08.2020 | 23:03
Ամերիկացի 4 կոնգրեսականների (Ջիմ Ռիշ, Մայք Մքքոլ, Էլիոտ Էնջել, Բոբ Մենդերես ) նախաձեռնությամբ 2 տարով գաղտնի կերպով սառեցվել է ԱՄՆ-ի կողմից զենքի վաճառքը Թուրքիային։ Այդ մասին հայտնում է ամերիկյան Defense News ամերիկյան լրատվական կայքը. փոխանցում է ermenihaber-ը:
Ըստ աղբյուրի՝ գլխավոր պատճառը S-400 զենիթահրթիռային ՀՕՊ համակարգերի շուրջ ռուս թուրքական գործարքն է։
Աղբյուրը հիշեցնում է, որ Թուրքիան թեև 2019թ․-ին ձեռք էր բերել ռուսական ՀՕՊ համակարգերը, այնուամենայնիվ դրանք առայժմ չեն ակտիվացվել և գործարկվել։ Պաշտոնական Անկարան այդ ամենը պատճառաբանում է Թուրքիայի տարածքում կորոնովիրուսի պատճառով ստեղծված իրավիճակով։
Աղբյուրի փոխանցմամբ, առայժմ պարզ չէ, թե փաստացի ամերիկյան կողմը քանի պայմանագիր է սառեցրել, որոնք նախկինում կնքվել էին Թուրքիայի հետ: Նշվում է, որ այդ գործարքներից առնվազն 2-ը համարվում են բավական խոշոր: Դրանցից մեկը կապված է F-16 կործանիչների մոդիֆիկացման հետ, իսկ մյուսը ամերիկյան շարժիչների արտադրության արտոնության հետ, որոնցով Թուրքիան պետք է ավարտին հասցներ Պակիստան արտահանվելիք թուրքական արտադրության ռազմական ուղղաթիռների վերաբերյալ 1,5 մլրդ-ոց գործարքը։
Նաև ընդգծվում է, որ վերջին անգամ ԱՄՆ-ն զենքի վաճառքի սառեցում Թուրքիայի նկատմամբ կիրառել էր այն ժամանակ, երբ թուրքական իշխանությունները օկուպացրել էին Կիպրոս կղզու մի մասը։
Հիշեցնենք, որ Թուրքիայի կողմից S-400-ների ձեռքբերումը, լուրջ ճգնաժամ էր առաջացրել թուրք-ամերիկյան հարաբերություններում։
