28.06.2026 | 12:28
Տրվել է Քաջարանի 7,2 կմ երկարությամբ թունելի շինարարության մեկնարկը. մոտ 40 րոպեով կկրճատվի երթևեկության ժամանակը
Մեծ Բրիտանիայի ՀՆԱ-ն կորոնավիրուսի պատճառով 20․4% անկում է ունեցել․ Deutshce Welle
Քաղաքականություն
13.08.2020 | 21:16
Մեծ Բրիտանիայի տնտեսությունը կորոնավիրուսի հետևանքով ծանր կորուստներ է կրել։ Այս տարվա երկրորդ եռամսյակում երկրի ՀՆԱ-ն նվազել է 20․4 տոկոսով: Այս մասին հայտնում է Deutshce Welle-ն։
Ըստ երկրի Վիճակագրության ազգային ծառայության տվյալների՝ առաջին եռամսյակում Մեծ Բրիտանիայի ՀՆԱ-ն 2․2 տոկոսով է նվազել: Նշվում է, որ սա վիճակագրական ծառայության աշխատանքի ընթացքում գրանցված ամենամեծ անկումն է։
Deutsche Well-ի փոխանցմամբ՝ տնտեսական ամենամեծ կորուստներն ապրիլին են արձանագրվել, երբ երկրում տոտալ սահմանափակումներ էին։ Մայիսին իրավիճակը սկսել է դրական ընթացք ստանալ, գրանցվել է 2․4 տոկոս աճ: Հունիսին աճը շարունակվել է և 8․7 տոկոսի հասել:
Հավելենք, որ ըստ worldometers.info վիճակագրական կայքի՝ Մեծ Բրիտանիայում մինչ օրս COVID-19-ով վարակման 313.798 և մահվան 41․329 դեպք է գրանցվել։
Նելլի Մելքոնյան
