29.04.2026 | 15:35
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Լիբանանի իշխանությունները հերքել են Բեյրութի պայթյունին Իսրայելի մասնակցության մասին լուրերը
Քաղաքականություն
05.08.2020 | 21:52
Լիբանանի իշխանությունները կտրականապես հերքել են Բեյրութի նավահանգստում պայթյունին Իսրայելի մասնակցության կամ դիվերսիայի մասին լուրերը։ ՏԱՍՍ-ի փոխանցմամբ՝ այս մասին հայտարարել է ՆԳ նախարար Մուհամմեդ Ֆահմին։
Մեկնաբանելով տեղեկությունները, թե պայթյունից կարճ ժամանակ առաջ մարդիկ իսրայելական օդանավեր են նկատել երկնքում, նախարարն ասել է․ «Գոյություն ունեն կեղծ լուրեր»։
Միաժամանակ, լիբանանյան բանակի հրամանատարությունն իր հերթին հերքել է ծրագրված պայթյունի մասին լուրերը։
«Որոշ կայքերում և սոցցանցերում ռազմական հետախուզության աղբյուրներին ինչ-որ հղումներով հրապարակումներ են արվում, որ նավահանգստում պայթյունը կանխամտածված է արվել։ Բանակային հրամանատարությունը պնդում է, որ այդ հայտարարությունները կեղծ են և ոչ հավաստի, և կոչ է անում սպասել պաշտոնական հետաքննության արդյունքներին»,- ասվում է հրամանատարության հայտարարությունում։
Ավելի վաղ ՆԳ նախարարը խոստացել էր, որ պայթյունի հանգամանքների հետաքննությունն «առավելագույնս թափանցիկ» կլինի և հինգ օր կտևի։
