29.08.2026 | 17:37
Պաշտոնանկություններ 3 նախարարություններում․ Նիկոլ Փաշինյանը որոշումներ է ստորագրել
Նուբարաշենի հոգեկան առողջության կենտրոնի 8-րդ բաժանմունքում բոլորը վարակվել են կորոնավիրուսով
04.08.2020 | 18:32
Առողջապահության նախարարության ենթակայությամբ գործող Հոգեկան առողջության ազգային կենտրոնում (Նուբարաշեն) 30 պացիենտի մոտ կորոնավիրուս է հաստատվել:
Factor.am-ի աղբյուրի փոխանցմամբ՝ վարակվել են 8-րդ բաժանմունքի բոլոր հիվանդները։
Տեղեկությունների վերաբերյալ փորձեցինք մեկնաբանություն ստանալ կենտրոնի տնօրեն Սերգեյ Խաչատրյանից։ Նշելով, որ հեռախոսով հարցերի չի պատասխանում, նա ընդհատեց հեռախոսազանգը։
Իսկ ահա Առողջապահության նախարարության լրատվական ծառայությունից հայտնեցին, որ կենտրոնում վարակակիրներ կան, սակայն վերջնական թիվ չեն կարող ասել, քանի որ այսօր և վաղը թեստավորում են իրականացնելու։
Հիշեցնենք, որ Նուբարաշենի հոգեկան առողջության կենտրոնում վարակակիրների առկայության մասին Factor.am-ը գրել էր դեռ մայիսի 31-ին։ Այդ ընթացքում իրականացվել էր 300 թեստավորում, կորոնավիրուս էր հաստատվել 50 հոգու մոտ, այդ թվում՝ տնօրենի։
Նարեկ Կիրակոսյան
