10.08.2026 | 10:40
Քաղաքացին սապբորդինգի ժամանակ ուժեղ քամու հետևանքով չի կարողացել վերադառնալ ափ. օգնության են հասել փրկարարները
Ամերիկացիներին կորոնավիրուսի հարուցած ֆինանսական խնդիրները
31.07.2020 | 22:16
Համաճարակի պատճառով ԱՄՆ-ի բնակչությանն օգնելու համար դաշնային կառավարության ծրագիրն ավարտվելու դեպքում տասնյակ միլիոնավոր մարդիկ կարող են կանգնել անելանելի իրավիճակի առջև, հաղորդում է «Ամերիկայի ձայնը»:
Օրինակ՝ այժմ շատերի մոտ կուտակվում են կորոնավիրուսով հիվանդանալու արդյունքում բժշկական ծախսերն ու պարտքը: Նրանցից Աիշա Բրաունը կոմայի մեջ էր հայտնվել ու մեկ ամիս մնացել հիվանդանոցում: Փրկության ճակատ կազմակերպությունն օգնել է նրան մուծելու համար էլեկտրականության ծախսերը, և այժմ այն մի շարք կազմակերպություններից է, որոնք կոնգրեսականներին հորդորում են ընդունել նոր օրենք նոր օգնության ծրագրի մասին: Նախորդ նախագծի համաձայն 2 տրիլիոն դոլար էր դուրս գրվել յուրաքանչյուր անհատի միանվագ 1200 դոլար հատկացնելու համար: Հանրապետական սենատորներն այժմ հայտարարում են ևս 1 տրիլիոն հատկացնելու իրենց որոշման մասին: Ըստ այս ծրագրի շաբաթական կհատկացվի 200-ական դոլար, ինչը դեմոկրատները բավարար չեն համարում ու պահանջում են հատկացումների ծավալը հասցնել երեք տրիլիոնի:
Ու քանի դեռ կողմերը համաձայնթյան չեն գալիս, վարչակազմը քննարկում է կարճաժամկետ մի ծրագիր, որը միլիոնավոր ամերիկացիների համար կապահովի օգնություն, նախքան ուրբաթ օրը հին ծրագրի ժամկետը լրանալը:
Իսկ նրանք, ովքեր մեծ գումարներ են պարտք մնացել հիվանդանոցներին, փայփայում են հույս, որ կառավարությունը կհիշի նաև իրենց այս հոգսը վերացնելու մասին:
